వైసీపీది కూడా అదే పాట

కరడుగట్టిన తీవ్రవాది వికారుద్దీన్ ఎన్ కౌంటర్ విషయంలో తెలంగాణ సమాజం అంతా హర్షం వ్యక్తం చేస్తోంది. ఒక్క ఎంఐఎం పార్టీ తప్ప! కానీ వారికి తోడుగా మేం ఉన్నాం అన్నట్లు మద్దతు ఇస్తున్నారు వైఎస్సార్ కాంగ్రెస్ పార్టీ నాయకులు. ఆ పార్టీ ఎంపీ, తెలంగాణ అధ్యక్షుడు పొంగులేటి శ్రీనివాస్ రెడ్డి మాట్లాడుతూ ఎన్ కౌంటర్ అనుమానాస్పదంగా ఉందని సెలవిచ్చారు.

విచారణ ఖైదీలను కోర్టుకు తీసుకువస్తున్న సమయంలో ఐదుగురిని ఎన్ కౌంటర్ పేరిట మట్టుపెట్టడం గర్హనీయమని అన్నారు. ఈ ఎన్ కౌంటర్ తెలంగాణ ప్రజలు అనుమానపడేలా ఉందన్నారు. కేసీఆర్ ఏదో చేస్తారని ఆశిస్తే..ఆయన ప్రజల ఆశలపై నీళ్లు చల్లుతున్నారని మండిపడ్డారు.

తన పాలన ఎలా ఉందో తెలంగాణ ముఖ్యమంత్రి ఒకసారి పరిశీలించుకోవాలని సూచించారు. నమ్మి ఓట్లేసిన వృద్దులు , మహిళలు, రైతులు, విద్యార్థులను మోసం చేస్తున్నారని...వారి ఉసురు కేసీఆర్ కు తప్పక తగులుతుందని శాపం పెట్టారు. తనను తాను కాపాడుకునేందుకైనా.... ప్రజలు కోరుకునే పాలన అందించాలని సూచించారు.