విశాఖలో న్యూ*డ్ వీడియోలు చిత్రీకరణ... చితకబాదిన యువతులు!

ఇటీవల కాలంలో లైంగిక వేదింపులకు సంబంధించిన ఘటనలు తెరపైకి ఎక్కువగా వస్తున్న సంగతి తెలిసిందే. ఈ విషయంలో పోలీసులు ఎంత కఠినంగా వ్యవహరిస్తున్నా.. చట్టం ఎంత బలంగా ఉంటున్నా.. ఇలాంటి పనులు చేసి పట్టుబడితే సమాజంలో ఎంతో సిగ్గు చేటని తెలిసినా ఆ పనులు మానడం లేదు.. పర్యవసనాలు అనుభవించక తప్పడంలేదు.

ఈ క్రమంలో తాజాగా ఆంధ్రప్రదేశ్ లోని విశాఖలో యువతుల న్యూ*డ్ వీడియోస్ రికార్డింగ్ చేస్తున్న ఘటన కలకలం రేపింది! లాడ్జిలో దిగిన యువతుల న్యూ*డ్ వీడియోలని నలుగురు యువకులు చిత్రీకరించారనే వ్యవహారం తెరపైకి వచ్చింది. ఈ ఘటనలో నలుగురు యువకులను యువతులు చితకబాదారు. ఈ ఘటన విశాఖలోని ద్వారక పోలీస్ స్టేషన్ పరిధిలో చోటుచేసుకుంది.

అవును... విశాఖలోని ద్వారకలో బాయ్స్ హాస్టల్, లాడ్జి పక్కపక్కనే ఉన్నాయి. ఈ సమయంలో లాడ్జి బాత్రూంలోకి హాస్టల్‌ లో నుంచి ఫోన్‌ లతో వీడియోలు తీశారని యువతులు ఆరోపణలు చేశారు. ఈ సమయంలో... నాలుగు రోజులు నుంచి తమ వీడియోలు చిత్రీకరిస్తున్నారంటూ మరో మహిళ యువకులపై దాడికి పాల్పడినట్లు తెలుస్తోంది!

ఈ సమయంలో... నలుగురు యువకులను యువతులు చితకబాదారు. దేహశుద్ధి అనంతరం ద్వారక పోలీసులకి వారిని యువతులు అప్పగించారు. దీంతో.. రంగంలోకి దిగిన పోలీసులు యువకులు సెల్ ఫోన్లు పరిశీలిస్తున్నారు. యువతుల ఫిర్యాదు మేరకు దర్యాప్తు కొనసాగిస్తున్నారు.