బాబుకి 'రఘువీరా' బంపర్ అఫర్ !

ఏపీ ఎన్నికల్లో ఘనవిజయం సాధించిన తెలుగుదేశం పార్టీ అధినేత చంద్రబాబు నాయుడుకు మాజీ మంత్రి, కాంగ్రెస్ నేత రఘువీరారెడ్డి బంపర్ అఫర్ ప్రకటించాడు. ’’ఇప్పుడు రాష్ట్ర ప్రయోజనాలు సాధించుకునే ప్రత్యేకహోదా సాధించుకునే అవకాశం ఉంది. ఇండియా కూటమికి మద్దతు ఇస్తే ఈ హామీలు నెరవేర్చేందుకు సిద్దంగా ఉంది. మరి మీరు ఇప్పుడు కూటమిలోకి రాకుండా ఎన్డీఎ కూటమిలో ఉండి మీరు సాధిస్తారా ? ఏపీ ముఖచిత్రాన్ని మార్చడానికి ఇది మీకొక సువర్ణ అవకాశం’ అని అన్నాడు.

ఈ మేరకు చంద్రబాబు నాయుడుతో కాంటాక్టు చేసేందుకు కాంగ్రెస్ అధిష్టానం పెద్దలు ప్రయత్నిస్తున్నట్లు మీడియాలో వార్తలు చక్కర్లు కొడుతున్నాయి. ప్రధాని నరేంద్రమోడీ కూటమి విజయం నేపథ్యంలో బాబుకు కాల్ చేసి అభినందిస్తున్నట్లు తెలుస్తుంది. కాంగ్రెస్ ప్రయత్నాలను బాబు పట్టించుకోలేదని సమాచారం వినిపిస్తున్నది.

ఎన్డీఎ కన్వీనర్ పదవిని స్వీకరించాలని బీజేపీ నుండి అఫర్ వచ్చినట్లు ప్రచారం జరుగుతున్నది. ఇది ఇలా ఉంటే ఈ నెల 9న అమరావతిలో చంద్రబాబు నాయుడు ప్రమాణ స్వీకారం చేయనున్నారని తెలుస్తుండగా, ఈ సాయంంత్రం గవర్నర్ ను కలిసి రాజీనామా అందించేందుకు జగన్ గవర్నర్ అపాయింట్ మెంట్ కోరినట్లు తెలుస్తుంది.