హైదరాబాద్ లో డ్రగ్స్ కలకలం... తెరపైకి టి.బీజేపీ నేత కుమారుడు!

హైదరాబాద్ లో డ్రగ్స్ వినియోగం, వ్యాపారం వంటి వ్యవహారాలపై పోలీసులు ఉక్కుపాదం మోపుతున్న సంగతి తెలిసిందే. ఈ విషయంలో ఏమాత్రం అలసత్వం వహించకుండా పోలీసులు వ్యవహరిస్తున్నారనే మాటలు వినిపిస్తున్నాయి. అయినప్పటికీ భాగ్యనగరంలో డ్రగ్స్ దందా కొనసాగుతూనే ఉంది.. వారంతా పట్టుబడుతూనే ఉన్నారు! ఈ క్రమంలో తాజాగా మరో వ్యవహారం తెరపైకి వచ్చింది.

అవును... గచ్చిబౌలిలోని రాడిసన్ హోటల్‌ లో ఆదివారం రాత్రి పోలీసులు దాడులు నిర్వహించగా.. భారీ మొత్తంలో డ్రగ్స్ పట్టుబడినట్లు తెలుస్తుంది. ఇక్కడ భారీ ఎత్తున కొకైన్ పార్టీ ఏర్పాటు చేసుకుని ఉంటారని అంటున్నారు. ఈ ఆపరేషన్‌ లో ప్రముఖ వ్యాపారవేత్తతో సహా ముగ్గురు వ్యక్తులను పోలీసులు అరెస్టు చేశారని తెలుస్తుంది.

ఇదే సమయంలో పోలీసులు స్వాధీనం చేసుకున్నట్లు తెలుస్తున్న డ్రగ్స్ కి సంబంధించిన వివరాలు మాత్రం ఇంకా తెలియాల్సి ఉంది. ఈ సమయలో తెలంగాణకు సంబంధించిన ఒక రాజకీయ నాయకుడితో సంబంధం ఉన్న వ్యక్తులపై చర్యలు తీసుకున్నట్లు పోలీసులు చెబుతున్నారని అంటున్నారు!

ఈ విషయాలపై స్పందించిన డీసీపీ వినీత్... "డ్రగ్స్ సేవించడం, ఈ వ్యవహారంలో ప్రమేయం కలిగి ఉన్న వ్యక్తుల గురించి మరిన్ని వివరాలను వెలికితీసేందుకు పరిశోధనలు కొనసాగుతున్నాయి" అని అన్నారు. ఇదే సమయంలో బీజేపీ అభ్యర్థి ప్రమేయంపైనా దర్యాప్తు చేపడుతున్నట్లు తెలుస్తుంది.

ఈ సమయంలో తాజా వ్యవహారంలో టి.బీజేపీ నేత కుమారుడు తన స్నేహితులతో కలిసి ఈ హోటల్ లో కొకైన్ వాడుతున్నట్లు పోలీసులు అనుమానిస్తున్నారని తెలుస్తుంది. ఈ సమయంలో అతనితో పాటు అతని స్నేహితుడికి డ్రగ్ పరీక్షలు నిర్వహించిన తర్వాత కేసులు నమోదు చేస్తామని పోలీసులు చెబుతున్నారని తెలుస్తుంది. దీనికి సంబంధించి పూర్తి వివరాలు తెలియాల్సి ఉంది!