సలార్ తో తండేల్ సర్ ప్రైజ్ ప్లాన్

అక్కినేని యంగ్ హీరో నాగచైతన్య ప్రస్తుతం చందు మొండేటి దర్శకత్వంలో 'తండేల్' అనే సినిమా చేస్తున్న విషయం తెలిసిందే. ప్రముఖ నిర్మాత అల్లు అరవింద్ సమర్పణలో గీతా ఆర్ట్స్ బ్యానర్ పై బన్నీ వాసు ఈ సినిమాని గ్రాండ్ స్కేల్ లో నిర్మిస్తున్నారు. 2018 సంవత్సరంలో శ్రీకాకుళంలో మత్స్యకారుల జీవితంలో జరిగిన యదార్థ సంఘటనల ఆధారంగా ఈ సినిమాని తెరకెక్కిస్తున్నారు. ఇందులో చైతు మత్స్యకారుడిగా కనిపించబోతున్నాడు.

అతని సరసన న్యాచురల్ బ్యూటీ సాయి పల్లవి హీరోయిన్ గా నటిస్తోంది. ఇటీవలే నాగచైతన్య పుట్టినరోజు సందర్భంగా ఈ సినిమా టైటిల్ అండ్ ఫస్ట్ లుక్ రిలీజ్ చేసిన విషయం తెలిసిందే. ఈ ఫస్ట్ లుక్ కి భారీ రెస్పాన్స్ వచ్చింది. ఇందులో నాగచైతన్య సాధారణ మత్స్యకారుడిగా కనిపించి ఆకట్టుకున్నారు. ఈ లుక్ కోసమే చైతూ పూర్తిగా మారిపోయాడు. రీసెంట్ గానే లాంఛనంగా ప్రారంభమైన ఈ చిత్ర షూటింగ్ ప్రస్తుతం శరవేగంగా జరుగుతోంది.

వీలైనంత తక్కువ సమయంలోనే ఈ సినిమాని పూర్తి చేయాలని చందు మొండేటి ప్లాన్ చేస్తున్నట్లు తెలుస్తోంది. ఇదిలా ఉంటే ఈ నెలలోనే ఈ సినిమా నుంచి గ్లిమ్స్ రాబోతుందట. తాజా సమాచారం ప్రకారం తండేల్ గ్లింప్స్ ని రెడీ రెడీ చేసే పనిలో మేకర్స్ ఉన్నట్లు తెలిసింది. ఈ గ్లింప్స్ కోసం ఇటీవలే అల్లు స్టూడియోస్ లో ప్రత్యేకంగా ఓ సెట్ వేసి షూట్ చేశారట.

డిసెంబర్ 20 లోపు సోషల్ మీడియాలో గ్లింప్స్ ని రిలీజ్ చేయడంతోపాటు డిసెంబర్ 22న రిలీజ్ అవ్వబోతున్న సలార్ మూవీతో ఈ గ్లింప్స్ ని అటాచ్ చేయాలని టీం ప్లాన్ చేస్తున్నట్లు తెలుస్తోంది. అంటే సలార్ థియేటర్స్ లోనే తండేల్ గ్లింప్స్ కూడా ప్రదర్శించనున్నట్లు వార్తలు వినిపిస్తున్నాయి. ఈ గ్లిమ్స్ లో నాగచైతన్య మాస్ లుక్ తో పాటు డైలాగ్స్ కూడా ఉంటాయని వినికిడి. ప్రస్తుతం ఈ న్యూస్ ఫిలిం సర్కిల్స్ లో తెగ చక్కర్లు కొడుతోంది.

త్వరలోనే మూవీ టీం నుంచి గ్లింప్స్ వీడియోకు సంబంధించి అఫీషియల్ అనౌన్స్మెంట్ వచ్చే అవకాశం ఉంది. రియల్ ఇన్సిడెంట్ ఆధారంగా ఈ సినిమా తెరకెక్కుతుండడం, లవ్ స్టోరీ తర్వాత నాగచైతన్య తో సాయి పల్లవి జోడి కడుతుండడంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి. దేవిశ్రీప్రసాద్ సంగీతం అందిస్తున్న ఈ చిత్రానికి శ్యామ్ దత్ సినిమాటోగ్రాఫర్ గా వ్యవహరిస్తున్నారు. వచ్చే ఏడాది వేసవికి ఈ సినిమాని విడుదల చేసేలా మేకర్స్ ప్లాన్ చేస్తున్నారు.