సూర్య కెరీర్ ను మార్చబోయే సినిమా

సౌత్ ఇండియన్ స్టార్ యాక్టర్ సూర్య బాలీవుడ్ లోకి డెబ్యూ ఇవ్వడానికి రంగం సిద్ధమైనట్లు తెలుస్తోంది. ప్రముఖ దర్శకుడు రాకేశ్ ఓం ప్రకాశ్ మెహ్ర కర్ణ మూవీని సూర్యతో చేయాలని ప్లాన్ చేస్తున్నారంట. మహాభారతంలో కర్ణుడి పాత్రకి ప్రత్యేకమైన ఇమేజ్ ఉంది. అందుకే ఆ పాత్ర దృక్కోణం నుంచి మహాభారతం కథని చెప్పడంతో పాటుగా, కర్ణుడి జీవిత వృత్తాంతం కూడా మూవీలో ఆవిష్కరించనున్నట్లు తెలుస్తోంది.

ఆనంద్ నీలకంఠన్ కర్ణ స్క్రిప్ట్ సిద్ధం చేశారని తెలుస్తోంది. ఇప్పటికే ప్రముఖ నిర్మాణ సంస్థ ఈ చిత్రాన్ని భారీ బడ్జెట్ తో నిర్మించడానికి ముందుకొచ్చింది. కర్ణుడి పాత్రకి సూర్య కరెక్ట్ గా న్యాయం చేస్తారని రాకేష్ ఓం ప్రకాష్ అతనిని సంప్రదించడం, కథని కూడా పలుమార్లు నేరేట్ చేయడం జరిగిందని సమాచారం. ఈ చిత్రం కోసం అన్ని భాషల నుంచి నటీనటులని ఎంపిక చేయనున్నారంట.

మూవీ కోసం ఏకంగా 500 కోట్ల వరకు బడ్జెట్ ఖర్చు పెట్టనున్నారని ఇండస్ట్రీ వర్గాలలో వినిపిస్తోంది. వీలైనన్ని ఎక్కువ భాషలలో కర్ణ మూవీని తెరకెక్కించే ప్లాన్ చేస్తున్నారు. ప్రస్తుతం సూర్య శివ దర్శకత్వంలో కంగువ మూవీ చేస్తున్నారు. సుమారు 300 కోట్ల బడ్జెట్ తో ఈ చిత్రం తెరకెక్కుతోంది. దీని తర్వాత సుధా కొంగరతో ఒక సినిమా చేయడానికి సూర్య కమిట్ అయ్యారు.

అలాగే వాడివాసల్ దర్శకత్వంలో కూడా ఒక ప్రాజెక్ట్ చేయనున్నారు. అయితే కర్ణ మూవీ షూటింగ్ 2024 జులైలో ప్రారంభించనున్నారని తెలుస్తోంది. అంటే కర్ణ కంప్లీట్ చేసిన తర్వాతనే ఇంకా ఏ మూవీ అయిన సూర్య చేయాల్సి ఉంటుంది. సూర్య కోలీవుడ్ కి చెందిన యాక్టర్ అయిన ఇప్పటికే పాన్ ఇండియా లెవల్ లో ఇమేజ్ ని బిల్డ్ చేసుకున్నారు.

అందుకే కర్ణ పాత్రకి సూర్యనే కరెక్ట్అని రాకేష్ ఓం ప్రకాష్ అతన్ని ఫైనల్ చేసినట్లు ఇండస్ట్రీ వర్గాలలో వినిపిస్తోంది. మరో వైపు విక్రమ్ హీరోగా సూర్యపుత్ర మహావీర్ కర్ణ అనే మరో ప్రాజెక్ట్ కూడా సిద్ధం అవుతోంది. ఆర్.ఎస్.విమల్ దర్శకత్వంలో ఈ సినిమా తెరకెక్కనుంది. విక్రమ్ పై గతంలో ఈ మూవీ టెస్ట్ షూట్ కూడా జరిగింది. త్వరలో పూర్తిస్థాయిలో షూటింగ్ స్టార్ట్ చేస్తారనే టాక్ ఉంది.