ఎవ‌రినీ వ‌ద‌ల‌రు.. స్టార్ హీరోయిన్ కార్ చెకింగ్!
దారిన పోయే సెల‌బ్రిటీల‌ను అస్స‌లు విడిచిపెట్టడం లేదు. ఇప్ప‌టికే ప‌లువురు న‌టులు, న‌టీమ‌ణులు కూడా సాధారణ చెకింగ్ కోసం రోడ్ల‌పై వెయిట్ చేయాల్సిన ప‌రిస్థితి.
By: Tupaki Desk | 7 April 2024 11:07 AM GMT
ఎల‌క్ష‌న్ వేడెక్కిస్తోంది. ఎన్నికల నోటిఫికేష‌న్ విడుద‌ల‌వ‌డంతో దేశ‌వ్యాప్తంగా ఒక‌టే హ‌డావుడి క‌నిపిస్తోంది. అన్ని రాజకీయ పార్టీలు డ‌బ్బు సంచుల‌ను, కంటైన‌ర్ల‌ను త‌ర‌లిస్తుండడంతో అధికారుల చూపంతా అటువైపే ఉంది. బ‌స్సుల, కార్లు, చివ‌రికి అనుమానం వ‌స్తే స్కూటర్ డిక్కీలు .. వేటినీ విడిచిపెట్టడం లేదు. దారిన పోయే సెల‌బ్రిటీల‌ను అస్స‌లు విడిచిపెట్టడం లేదు. ఇప్ప‌టికే ప‌లువురు న‌టులు, న‌టీమ‌ణులు కూడా సాధారణ చెకింగ్ కోసం రోడ్ల‌పై వెయిట్ చేయాల్సిన ప‌రిస్థితి.
ఈ ఎన్నికల సీజన్ లో ప్రముఖ మలయాళ నటి మంజు వారియర్‌కి స్వాగతం పలికేందుకు తిరుచ్చి సందడిగా ఉంది. పండుగ వాతావరణంలో ఊరంతా జోష్ నిండి ఉంది. కానీ ఇంత‌లోనే ఒక ఘ‌ట‌న. ఫ్లయింగ్ స్క్వాడ్ అధికారులు మంజు వారియర్ కారును తనిఖీ చేశారు. అయితే వారి సాధారణ తనిఖీ సమయంలో, అభిమానులు నటిని గుర్తించి ఆసక్తిగా ఆమెతో సెల్ఫీలు దిగారు. ఇది తిరుచ్చిలో కలకలం రేపింది. అయితే, అధికారులు సరైన విధానంలో తనిఖీలు నిర్వహించామ‌ని నిర్ధారించారు. తరువాత మంజూ వారియర్ ను సురక్షితంగా వెళ్లాల్సిందిగా కోరారు.
ఈ సంఘటన ఎన్నికల సీజన్ ఉద్రిక్తత వాతావ‌ర‌ణాన్ని తెలియ‌జేస్తోంది. త‌మిళనాడులో ఎన్నికల వాతావరణం ఎంత భిన్నంగా ఉంటుందనే దానిపై అధికారిక దృష్టి, అభిమానుల ఉత్సాహం రెండూ ఆ ఘ‌ట‌న‌లో కనిపించాయి. ఈ సంఘటనలు ఎన్నికల సమయంలో షోబిజ్ గ్లామ‌ర్ అండ్ గ్లిట్జ్ ప్ర‌పంచం చుట్టూనే జ‌రుగుతుండ‌డం ఆశ్చ‌ర్య‌క‌రం.
మంజు వారియర్ మాలీవుడ్ స‌హా కోలీవుడ్ టాలీవుడ్ కి సుప‌రిచితురాలు. అజిత్ `తునివు`, ధనుష్ `అసురన్` చిత్రాల్లో అద్బుత న‌ట‌న‌తో ఆక‌ట్టుకుంది. సూపర్ స్టార్ రజనీకాంత్ `వెట్టయన్`లో టైటిల్ రోల్ చేస్తోంది.
రాజకీయాల్లోకి రాను:
కేరళలో అద్భుత ఫాలోయింగ్ ఉన్న స్టార్ హీరోయిన్ మంజు వారియర్ ఇటీవ‌ల త‌న‌కు రాజకీయాల్లోకి వచ్చే ఉద్దేశం లేదని స్పష్టం చేసారు. వివిధ సామాజిక కారణాలను ప‌రిశీలించి తాను చేస్తున్న సేవా కార్యక్రమాలు సమాజం పట్ల నిబద్ధతగా అర్థం చేసుకోవాలని అన్నారు. ఇటీవ‌ల తిరువనంతపురంలో సూర్య చానెల్ నిర్వహించిన జాతీయ మహిళా చర్చా ఉత్సవంలో మంజు ప్రారంభోపన్యాసం చేశారు.
``సామాజిక సమస్యలలో నా సేవ‌ల‌ను కీర్తించడానికి నాకు ఎటువంటి కారణం కనిపించడం లేదు. లైమ్‌లైట్ వెలుపల సమాజానికి చాలా ఎక్కువ సేవ‌లు చేసే వ్యక్తులు చాలా మంది ఉన్నారు. నేను ప్రజలకు సుపరిచితురాలిని కాబట్టి, నేను చేసే చిన్న చిన్న పనులు కూడా పెద్దగా అంచనా వేస్తారు`` అని మంజు అన్నారు. మంజు వారియర్ సామాజిక క‌ర్త‌గా చేస్తున్న సేవ‌ల‌ను చూశాక ఆమె రాజకీయాల్లోకి వస్తారని చాలా మంది ఊహాగానాలు చేస్తున్నారు. అప్ప‌ట్లో కేరళలోని ఓఖీ తుఫాన్ ప్రభావిత ప్రాంతాలను మంజు సందర్శించారు. ఆ సమయంలో త‌న‌కు రాజకీయాల్లోకి రావాల‌ని లేదని మంజు స్పష్టం చేసారు. నేను రాజకీయ ఉద్దేశ్యంతో తుఫాను ప్రభావిత ప్రాంతాన్ని సందర్శించలేదు. ఆపదలో ఉన్న వారిని ఆదుకోవడం నా సామాజిక బాధ్యత. నా మనస్సాక్షి నా ఉద్దేశ్యం, రాజకీయ ఆశయాలు కాదు అని అన్నారు.
14 ఏళ్ల గ్యాప్ అనంత‌రం ఇటీవ‌ల సినిమాల్లోకి రీఎంట్రీపై మాట్లాడుతూ.. మలయాళ పరిశ్రమలో ఎన్నో అవకాశాలు కనిపిస్తున్నాయి. నేను యువ ప్రతిభావంతులైన దర్శకులతో పని చేస్తానని అన్నారు. చిత్ర పరిశ్రమలో పునరాగమనం చేయడం నేను తీసుకున్న ఉత్తమ నిర్ణయం అని మంజు వారియర్ అన్నారు.
