బాక్సాఫీస్ ను బ్లాస్ట్ చేసే సీక్వెల్స్.. టాప్ 4 ఇవే!

టాలీవుడ్ స్టార్ హీరోలు అందరూ కూడా ఇప్పుడు పాన్ ఇండియా బ్రాండ్ తో సినిమాలు చేస్తోన్న సంగతి తెలిసిందే. రెగ్యులర్ కమర్షియల్ కథలకి దూరంగా యూనివర్శల్ అప్పీల్ ఉన్న స్టోరీస్ కి పెద్దపీట వేస్తున్నారు. ఆలస్యం అయిన పర్లేదు కానీ పెర్ఫెక్ట్ స్క్రిప్ట్ తోనే రావాలని భావిస్తున్నారు. అందుకే ఒక్కో హీరో సంవత్సరాల తరబడి సినిమాలు చేస్తున్నారు. అలాగే ప్రతి మూవీకికి సీక్వెల్స్ కూడా ప్లాన్ చేసుకుంటున్నారు.

ఐకాన్ స్టార్ అల్లు అర్జున్ ప్రస్తుతం పుష్ప 2 మూవీ షూటింగ్ లో ఉన్నారు. రెండేళ్ల నుంచి సుకుమార్ ఈ సినిమాని చెక్కుతున్నారు. పుష్ప మూవీకి బాలీవుడ్ లో మంచి టాక్ వచ్చింది. ఏకంగా వంద కోట్లకి పైగా కలెక్షన్స్ వసూళ్లు చేసింది. పుష్పకి సీక్వెల్ గా తెరకెక్కుతోన్న పుష్ప 2పైన సుకుమార్ ప్రత్యేక శ్రద్ధ పెట్టి గ్రాండియర్ గా ఆవిష్కరించే పనిలో ఉన్నారు. ఈ సీక్వెల్ పై దేశ వ్యాప్తంగా హై ఎక్స్ పెక్టేషన్స్ ఉన్నాయి. మోస్ట్ యాంటిసిపేటెడ్ సీక్వెల్ జాబితాలో పుష్ప 2 ఉంది.

దీని తర్వాత జూనియర్ ఎన్టీఆర్, హృతిక్ రోషన్ కాంబోలో అయాన్ ముఖర్జీ చేయనున్న వార్ 2పైన కూడా ఎక్స్ పెక్టేషన్స్ పీక్ లో ఉన్నాయి. దీనికి కారణం మొదటిసారి జూనియర్ ఎన్టీఆర్ బాలీవుడ్ లో చేస్తూ ఉండటమే. అలాగే మూవీలో తారక్ ఒక రా ఏజెంట్ గానే కాకుండా కాస్త నెగిటివ్ టచ్ ఉన్న పాత్రలో కనిపించబోతున్నట్లు టాక్.

నెక్స్ట్ మోస్ట్ యాంటిసిపేటెడ్ సీక్వెల్ జాబితాలో ప్రభాస్ సలార్ 2 ఉంది. శౌర్యంగపర్వం టైటిల్ తో రాబోయే ఈ సినిమా కోసం అందరూ వెయిట్ చేస్తున్నారు. డంకీ ఇంపాక్ట్ కారణంగా సలార్ బాక్సాఫీస్ పెర్ఫార్మెన్స్ కాస్తా తగ్గింది. అయిన కానీ సలార్ 2 మీద ఎక్స్ పెక్టేషన్స్ రెట్టింపు అయ్యాయి. కచ్చితంగా ఈ మూవీ ప్రశాంత్ నీల్ కేజీఎఫ్ చాప్టర్ 2 కలెక్షన్స్ బ్రేక్ చేస్తుందని అంచనా వేస్తున్నారు.

నెక్స్ట్ మోస్ట్ బజ్జింగ్ అండ్ ఎక్స్ పెక్టేషన్స్ ఉన్న సీక్వెల్ గా జై హనుమాన్ తెరకెక్కనుంది. ప్రశాంత్ వర్మ దర్శకత్వంలో వచ్చిన హనుమాన్ కి సీక్వెల్ గా ఈ చిత్రం రాబోతోంది. మూవీలో హనుమంతుడిగా స్టార్ హీరో నటిస్తాడని డైరెక్టర్ రివీల్ చేశాడు. అలాగే భారీ బడ్జెట్ తో హైవోల్టేజ్ యాక్షన్ సీక్వెన్స్ తో పవర్ ఫుల్ కథాంశంతో మూవీ ఉంటుందని కూడా హనుమాన్ క్లైమాక్స్ తో స్పష్టం అయ్యింది. ఈ కారణంగా ఈ నాలుగు సినిమాలో మోస్ట్ యాంటిసిపేటెడ్ సీక్వెల్స్ గా ఉన్నాయని చెప్పవచ్చు.