తార‌క్ కొత్త ఇంటి సొగ‌సు చూసారా?

తార‌లు రెనోవేష‌న్ తో త‌మ గృహాల‌కు కొత్త సొబ‌గులు అద్దుతున్నారు. ఇంత‌కుముందు జూబ్లీహిల్స్ లో రెనోవేషన్ చేసిన ఇంట్లోకి మెగాస్టార్ చిరంజీవి ఫ్యామిలీ షిఫ్ట‌యింది.

ఇప్పుడు యంగ్ టైగర్ ఎన్టీఆర్ జూబ్లీహిల్స్ ఇంటిని కూడా రెనోవేట్ చేసారు. ఈ భ‌వంతి ఇప్పుడు స‌రికొత్త లుక్ తో వైబ్రేంట్ గా మారింది. భారీ భ‌వంతిలో అడుగ‌డుగునా తార‌క్- ప్ర‌ణ‌తి జంట అభిరుచి మేర‌కు ఇంటీరియ‌ర్ ని ప్ర‌త్యేకంగా డిజైన్ చేయించార‌ని తెలిసింది. ఫ్లోరింగ్ స‌హా వాల్ డెక‌రేష‌న్, షాండ్లియ‌ర్స్ , ఇంట్లో ప‌డ‌క‌గ‌దులు, ఇలా ప్ర‌తిదీ అధునాత‌న సాంకేతిక‌త‌తో రెనోవేట్ చేసార‌ని తెలిసింది. ఈ కొత్త ఇంట్లోకి తార‌క్ ఫ్యామిలీ షిప్ట‌యిన సంద‌ర్భంగా ఫ్యామిలీ అండ్ ఫ్రెండ్స్ కూడా సంద‌డి చేసారు.

ప్ర‌స్తుతం తార‌క్ ఇంటికి సంబంధించిన ఫోటోలు ఇంట‌ర్నెట్ లో వైర‌ల్ గా మారుతున్నాయి. కొన్ని నెల‌ల పాటు ఈ పున‌రుద్ధ‌ర‌ణ ప‌నులు కొన‌సాగాయ‌ని తెలిసింది. దీనికోసం భారీగానే పెట్టుబ‌డులు పెట్టార‌ని స‌మాచారం. ఎన్టీఆర్- హృతిక్ రోష‌న్ ప్ర‌ధాన పాత్ర‌ల్లో న‌టించిన వార్ 2 ఆగ‌స్టులో విడుద‌ల కానుంది. అలాగే ప్ర‌శాంత్ నీల్ ద‌ర్శ‌క‌త్వంలో రూపొందుతున్న డ్రాగ‌న్ వ‌చ్చే ఏడాది జూన్ లో విడుద‌లవుతుంది. కొర‌టాల శివ‌తో దేవ‌ర 2, త్రివిక్ర‌మ్ తో ఓ సినిమా, ఎల్స‌న్ తో ఓ సినిమా చేస్తున్నాడు.