వార్ 2 vs కూలీ.. మధ్యలో మిరాయ్ పరీక్ష!
కూలీ, వార్ 2 వంటి భారీ సినిమాల షాడోలో మిరాయ్ హైలెట్ అవ్వాలి అంటే… ప్రతి ప్రమోషన్ అడుగు ముందు వేసే విధంగా ఉండాలి.
By: Tupaki Desk | 6 April 2025 3:00 PM IST
టాలీవుడ్లో ఇప్పుడు అందరి దృష్టి వార్ 2, కూలీ లాంటి పెద్ద సినిమాలపై ఉన్నా… నిజంగా అసలైన అండర్ఫైర్ మూవీగా నిలుస్తోంది మిరాయ్. తేజా సజ్జా హీరోగా వస్తున్న ఈ సూపర్ యోధ చిత్రం ఇప్పటికే ఇండస్ట్రీలో బజ్ సెట్ చేసుకుంది. కానీ తాజాగా వార్ 2 వర్సెస్ కూలీ అనే పెద్ద సినిమాల కాంపిటేషన్ మధ్య మిరాయ్ మరచిపోయినట్టుగా టాక్ నడుస్తోంది. ఈ పరిస్థితుల్లో మిరాయ్ టీమ్ తమ ప్రమోషన్ గేమ్ను డబుల్ స్పీడ్ పెంచాల్సిన అవసరం ఎంతైనా ఉంది.
2025 ఆగస్ట్ 1న మిరాయ్ థియేటర్లలోకి రానుంది. ఇదే సమయానికి రానున్న రాజినీకాంత్ లోకేష్ కాంబోలో వస్తున్న కూలీ, అలాగే ఎన్టీఆర్-హృతిక్ రోషన్ కాంబోలో వస్తున్న వార్ 2 సినిమాల ప్రచారాలు జోరుగా కొనసాగనున్నాయి. భారీ స్థాయిలో పబ్లిసిటీ జరిగే ఈ సినిమాల మధ్య మిరాయ్ నిలబడాలంటే ఇప్పుడు నుంచే గ్రౌండ్ వర్క్ మొదలవ్వాలి.
ఓ వైపు ఆ రెండు సినిమాలకు బాలీవుడ్ స్థాయిలో ప్రొమోషన్ జరుగుతుంటే, మిరాయ్ మళ్లీ 'హనుమాన్' తరహాలో నమ్మకాన్ని, కథా బలం ఆధారంగా ప్రేక్షకులను ఆకర్షించాల్సి ఉంది. ఇప్పటికే మిరాయ్ థియేట్రికల్, నాన్ థియేట్రికల్ బిజినెస్ మంచి రేట్లకే అమ్ముడుపోయినట్టు సమాచారం. టీజర్, టైటిల్ గ్లింప్స్కు వచ్చిన రెస్పాన్స్ చూస్తే, ఈ చిత్రానికి ఒక ప్రత్యేక గుర్తింపు ఉందని స్పష్టంగా అర్థమవుతుంది.
అయితే టాప్ లెవెల్ ప్రమోషన్లు లేకపోతే మిరాయ్ అంతగా హైప్ను నిలబెట్టుకోలేకపోవచ్చు. ఇదే నేపథ్యంలో మిరాయ్ టీమ్ సౌండ్ ప్రమోషన్ ప్లాన్ చేయడం అనివార్యం. ప్రతి చిన్న అప్డేట్ని స్ట్రాటజిక్గా రిలీజ్ చేస్తూ హైప్ పెంచాలి. తేజా సజ్జా కెరీర్లో హనుమాన్ సినిమా టర్నింగ్ పాయింట్ అయింది. ఆ మూవీ తక్కువ ఖర్చుతో రూపొందినా, మంచి కంటెంట్తో ప్రేక్షకుల మనసులు దోచింది. ఇప్పుడు మిరాయ్ మీద కూడా అలాంటి అంచనాలే ఉన్నాయి.
ఈసారి కథ కూడా డిఫరెంట్ గా ఉండబోతోందని టాక్. ఒక యోధుడు పాత్రను ఆధారంగా తీసుకొని రూపొందించిన ఈ సూపర్ యోధ కథ, భారతీయ మూలాల్ని ఆధారంగా చేసుకుని రూపొందించబడిందన్న ప్రచారం కూడా జోరుగా సాగుతోంది. ఇండస్ట్రీలో వాస్తవంగా విజయం సాధించాలంటే కంటెంట్తో పాటు మార్కెటింగ్ లోనూ స్పెషల్ దృష్టి పెట్టాలి. ఈ విషయంలో మిరాయ్ టీమ్ ఇప్పుడే అప్రమత్తం కావాల్సిన సమయం వచ్చింది.
కూలీ, వార్ 2 వంటి భారీ సినిమాల షాడోలో మిరాయ్ హైలెట్ అవ్వాలి అంటే… ప్రతి ప్రమోషన్ అడుగు ముందు వేసే విధంగా ఉండాలి. హనుమాన్ టైంలో లాగే సోషల్ మీడియా ప్లాన్, టార్గెట్ ఆడియన్స్కు కనెక్ట్ అయ్యే టీజర్లు, క్యారెక్టర్ ఇంట్రడక్షన్స్ వంటి వాటితో ఆసక్తిని పెంచాలి. మొత్తానికి, మిరాయ్ వింటర్ లో సర్ప్రైజ్ ఇవ్వగలిగే సినిమాల్లో ఒకటిగా నిలుస్తోంది. అయితే, మిగతా భారీ సినిమాల హంగామా మధ్య తన స్థానం నిలబెట్టుకోవాలంటే ప్రమోషన్లకు మరింత జోరు అవసరం.