చీటింగ్ కేసులో బుక్క‌యిన హీరోయిన్

అందాల‌ క‌థానాయిక‌ జరీన్ ఖాన్‌పై కోల్‌కతా కోర్టు అరెస్ట్ వారెంట్ జారీ చేసింది. 2018 నాటి కేసు వివ‌రాల ప్ర‌కారం.. తమ పండల్ వద్ద కనిపించనందుకు జరీన్ ఖాన్‌పై దుర్గా పూజా కార్యక్రమం నిర్వాహకులు త‌న‌పై చీటింగ్ కేసు పెట్టారు. ఈ కేసులో త‌న‌పై కఠిన చర్యలు తీసుకోవాలని కోల్‌కతా కోర్టు నిర్ణయించడంతో న్యాయపరమైన చిక్కుల్లో పడినట్లుగా తెలుస్తోంది. కోల్‌కతాలోని దుర్గా పూజా పండల్ నిర్వాహకులు జ‌రీన్ త‌మ‌ను మోసం చేసిందంటూ ఫిర్యాదు చేయడంతో ఐదేళ్ల క్రితం కోర్టు సమన్ లు జారీ చేసింది. కానీ జ‌రీన్ హాజరుకాకపోవడంతో త‌న‌పై చట్టపరమైన చర్యలు తీసుకోవాలని కోర్టు నిర్ణ‌యించింది. కోర్టు వారు అరెస్ట్ వారెంట్ జారీ చేశారు.

అయితే జరీన్ ఖాన్ కోర్టు ఉత్తర్వు గురించి తనకు తెలియదని, ప్రస్తుతం తన న్యాయవాది ఈ విషయాన్ని మేనేజ్ చేస్తున్నారని పేర్కొంది. ఈ కేసుపై ఇక ఎలాంటి వ్యాఖ్యలు చేయకూడ‌ద‌ని జ‌రీన్ నిర్ణ‌యించుకుంది. ఈ విషయం గురించి జరీన్ ఖాన్ ఇండియా టుడేతో మాట్లాడుతూ -"దీనిలో నిజం లేదని నేను ఖచ్చితంగా అనుకుంటున్నాను. నేను కూడా ఆశ్చర్యపోయాను. నా లాయర్ ఇవ‌న్నీ తనిఖీ చేస్తున్నాను. అప్పుడే నేను మీకు కొంత క్లారిటీ ఇవ్వగలను. ఈలోగా. , మీరు నా PRతో మాట్లాడగలరు" అంటూ జ‌రీన్ వివ‌ర‌ణ ఇచ్చింది.

నవరాత్రి 2018 సందర్భంగా కోల్‌కతాలో జరిగిన దుర్గా పూజా కార్యక్రమ నిర్వాహకులు జరీన్ ఖాన్‌ను ఆహ్వానించారని .. పండల్ కి విజిట్ చేస్తాన‌ని ఆమె హామీ ఇచ్చిందని క‌థ‌నాలొచ్చాయి. అయితే వేడుక రోజున జ‌రీన్ ఖాన్ ఈవెంట్‌కు హాజరు కాలేదు. ఆ తర్వాత నిర్వాహకులలో ఒకరు కోల్‌కతా పోలీసులను ఆశ్రయించారు. మోసం చేసిందంటూ కేసు నమోదు చేశారు. ఆ తర్వాత పోలీసులు విచారణ జరిపారు. జ‌రీన్ అలాగే ఆమె మేనేజర్‌పై ఛార్జిషీట్ దాఖలు చేశారు.

మరోవైపు జరీన్ ఖాన్ 2018లో ఈ కేసు సందర్భంగా పోలీసుల విచారణకు హాజరైనప్పుడు, ఈ కార్యక్రమానికి హాజరవుతారని భావించిన కోల్‌కతా రాజకీయాలకు చెందిన కొంద‌రు ప్రముఖులపై నిర్వాహకులు తప్పుడు వాదనలు చేశారని పేర్కొంది. అయితే ఆ విష‌యం త‌న‌కు తెలిసింది. అది ఉత్తర కోల్‌కతాలో జరిగిన స్మాల్ ఈవెంట్ అని జ‌రీన్ కి చెందిన‌ బృందం తెలిపింది. నిర్వాహ‌కుల వైఫ‌ల్యంతో తాను ప్రయాణం మ‌రియు వసతి సవాళ్లను ఎదుర్కోవలసి వచ్చిందని, వారంతా ఈవెంట్ ను త‌ప్పుగా నిర్వ‌హించార‌ని జ‌రీన్ పేర్కొంది.