ఎన్జీకే ఫలితంపై స్పందించిన సూర్య

తమిళ స్టార్ హీరో సూర్య నటించిన తాజా చిత్రం 'ఎన్జీకే' ఈమధ్యే రిలీజ్ అయింది. సెల్వ రాఘవన్ దర్శకత్వంలో తెరకెక్కిన ఈ పొలిటికల్ థ్రిల్లర్లో సాయి పల్లవి.. రకుల్ ప్రీత్ సింగ్ హీరోయిన్లుగా నటించారు. తెలుగు తమిళ భాషల్లో ఒకేసారి రిలీజ్ అయిన ఈ చిత్రానికి రెస్పాన్స్ మాత్రం చాలా నిరాశాజనకంగా ఉంది. అటు రివ్యూయర్లు.. ఇటు ప్రేక్షకులు సినిమాను అవుట్ డేటెడ్ స్టఫ్ అని తేల్చేశారు. బాక్స్ ఆఫీస్ లెక్కల పరంగా కూడా డిజాస్టర్ గా నిలిచింది.

ఈ సినిమాపై ఫలితంపై హీరో సూర్య తన ట్విట్టర్ ఖాతా ద్వారా స్పందించారు. "ఎన్జీకే సినిమాపై ప్రేక్షకులు చూపించిన ప్రేమ.. అభిప్రాయాలను నేను సవినయంగా స్వీకరిస్తున్నాను. ఒక డిఫరెంట్ సినిమా అందించేందుకు చేసిన మా ప్రయత్నాన్ని.. నటీనటుల కష్టాన్ని విశ్లేషించి.. ప్రశంసించిన అందరికీ కృతజ్ఞతలు. ఎన్జీకే తెరకెక్కించేందుకు శ్రమించిన నటీనటులు.. సాంకేతిక నిపుణులందరికీ కృతజ్ఞతలు" అంటూ ట్వీట్ చేశారు.

సూర్య ప్రస్తుతం నటిస్తున్న సినిమాల విషయానికి వస్తే కెవీ ఆనంద్ దర్శకత్వంలో 'కాప్పాన్' అనే చిత్రంలో నటిస్తున్నాడు. ఈ సినిమా ప్రస్తుతం పోస్ట్ ప్రొడక్షన్ దశలో ఉంది. ఈసినిమా తో పాటుగా సుధా కొంగర దర్శకత్వంలో 'సూరారై పొట్రు' అనే మరో చిత్రంలో కూడా నటిస్తున్నాడు.