ముత్తు డైలాగ్ తో డబ్ స్మాష్

తమిళనాట ఏ స్టార్ అయినా సరే.. సూపర్ స్టార్ రజినీకాంత్ కి ఫ్యాన్ అనాల్సిందే. ఇప్పుడు స్డార్ హీరో సూర్య కూడా రజినీ అంటే తనకు ఉన్న అభిమానాన్ని చాటుకున్నాడు. ఒకే సమయంలో ప్రజలకు మెసేజ్ ఇస్తూనే.. మరోవైపు తన ఇష్టాన్ని సూర్య చెప్పడం విశేషం.

20 ఏళ్ల క్రితం వచ్చిన రజినీకాంత్ మూవీ ముత్తులో ఓ ఫేమస్ డైలాగ్ ఉంటుంది. దగ్గు - జలుబు - ఆకలి - నిద్ర - భయం.. ఇవన్నీ వస్తాయ్ పోతాయ్.. అంటూ రజినీ చెప్పే డైలాగ్ సూపర్బ్. ఈ డైలాగ్ నే లిప్ సింక్ చేస్తూ సూర్య అదుర్స్ అనిపించాడు. ఇది సూర్య మొదటి డబ్ స్మాష్ కావడం హైలైట్. అయితే.. ఈ వీడియో ద్వారా తన అభిమానులకు ఓ మెసేజ్ కూడా ఇచ్చాడు సూర్య. త్వరలో ఐదు రాష్ట్రాల ఎన్నికలు జరగనున్నాయి. ఇప్పడు వీడియోలో వినిపించినది తన వాయిస్ అని.. అదే ప్రజల వాయిస్ ఏంటో తెలియాలంటే.. అందరూ వచ్చి ఓటేయాలని విజ్ఞప్తి చేశాడు.

ఓటు మన హక్కు కాదు బాధ్యత అంటూ సూర్య చెప్పిన ఎమోషన్ చాలామందికి కనెక్ట్ అవుతుంది. అయినా.. ఇలా ఓ మెసేజ్ కోసం తనే ఓ స్టార్ అయుండి కూడా.. సూపర్ స్టార్ రజినీకాంత్ డైలాగ్ ని డబ్ స్మాష్ చెప్పడం.. సూర్య సింప్లిసిటీకి నిదర్శనం అంటూ ఫ్యాన్స్ తెగ హుషారుగా ఉన్నారు.