దావూద్ చెల్లి.. లుక్ చూపించేశారు

బాలీవుడ్ లో ఆటోబయోగ్రఫీల సీజన్ సూపర్ స్పీడ్ గా ఉంది. వరుసగా ఇలాంటి సినిమాలన్నీ బ్లాక్ బస్టర్స్ అయిపోతుండడంతో.. చాలానే బయోపిక్స్ సెట్స్ పై ఉన్నాయి. ఇప్పటివరకూ స్పోర్ట్స్ స్టార్స్ ని సినిమాల్లో చూపించగా.. మరోవైపు క్రైమ్ కహానీలు కూడా బాగానే జోరందుకున్నాయి.

'హసీనా.. ద క్వీన్ ఆఫ్ ముంబై' అంటూ డైరెక్టర్ అపూర్వ లఖియా ఓ మూవీని తెరకెక్కిస్తున్నాడు. ఈయన ఎవరో కాదు.. మెగా పవర్ స్టార్ రామ్ చరణ్ బాలీవుడ్ లాంఛింగ్ మూవీ 'జంజీర్' ను తెరకెక్కించిన దర్శకుడే. ఆ సంగతి అలా ఉంటే.. ఈ హసీనా పాత్ర.. ఇంటర్నేషనల్ డాన్ దావూద్ ఇబ్రహీం సోదరి హసీనా పార్కర్ అని చెబుతున్నారు. హసీనా పాత్రలో శ్రద్ధా కపూర్ నటిస్తుండగా.. శర్మాన్ జోషి.. సిద్ధార్ధ్ కపూర్ లు ఇథర పాత్రలు పోషిస్తున్నారు.

అండర్ వరల్డ్ ను గుప్పిట్లో పెట్టుకుని..ముంబైను ఆటాడించిన హసీనా పాత్రలో శ్రద్ధా కపూర్ ఎంతగా ఒదిగిపోయిందో.. ఈ లుక్ చూస్తే అర్ధమవుతుంది. సీరియస్ లుక్స్ తోనే భయపెట్టేస్తోంది శ్రద్ధాకపూర్. 14 జూలై.. 2017న 'ద క్వీన్ ఆఫ్ ముంబై.. హసీనా' ను రిలీజ్ చేస్తున్నట్లు అనౌన్స్ చేశాడు దర్శకుడు అపూర్వ లఖియా.