ఇప్పుడు కిక్కిచ్చి, చవితికి పంజా...

మాస్‌ మహరాజ్‌ రవితేజ ఏకకాలంలో రెండు సినిమాలు పూర్తి చేస్తున్నాడు. సురేందర్‌ రెడ్డి దర్శకత్వంలో 'కిక్‌ 2' షూటింగ్‌ ఇటీవలే పూర్తయింది. విదేశాల్లో పాటల చిత్రీకరణ్‌ పూర్తి చేసుకుని, ప్రస్తుతం సంపత్‌నంది దర్శకత్వంలోని 'బెంగాల్‌ టైగర్‌' చిత్రీకరణలో పాల్గొంటున్నాడు.

ఈ సినిమా షూటింగ్‌ హైదరాబాద్‌ ఔట్‌స్కర్ట్స్‌లో సాగుతోంది. చిలుకూరు బాలాజీ దేవాలయానికి సమీపంలో ఉన్న ఓ ఫామ్‌ హౌస్‌లో బెంగాల్‌ టైగర్‌ చిత్రీకరణ సాగుతోంది. మాస్‌ రాజా స్టయిల్‌కి తగ్గట్టే ఈ సినిమా ఉంటుంది. రాజాలోని ఎనర్జీని పూర్తి స్థాయిలో తెరపైకి తీసుకొస్తున్నాడు సంపత్‌నంది. అందాల నాయికలు తమన్నా, రాశిఖన్నా మాస్‌రాజాతో పాటు షూటింగ్‌లో పాల్గొంటున్నారు.

అలాగే అత్తారింటికి దారేది చిత్రంతో తెలుగుతెరకు పరిచయం అయిన బొమన్‌ ఇరానీ ఈ చిత్రంలో ఓ కీలకపాత్రలో నటిస్తున్నారు. సెప్టెంబర్‌లో వినాయక చవితికి ఈ చిత్రాన్ని రిలీజ్‌ చేయాలని భావిస్తున్నారు. ఈలోగానే కిక్‌ 2 రిలీజవుతుంది. ఈ సినిమాతో కిక్కిచ్చే హిట్‌ కొట్టి మాస్‌ రాజా పంజా విసరడానికి వస్తాడన్నమాట!