'ఏక్ మినీ కథ' నుంచి మినీ పోస్ట్ పోన్ అప్డేట్..!

సంతోష్ శోభన్ - కావ్యా థాపర్ హీరోహీరోయిన్లుగా తెరకెక్కుతున్న తాజా చిత్రం ''ఏక్ మినీ కథ''. ప్రముఖ దర్శకుడు మేర్లపాక గాంధీ కథ అందిస్తున్న ఈ చిత్రానికి కార్తీక్ రాపోలు దర్శకత్వం వహిస్తున్నారు. మ్యాంగో మాస్ మీడియా సమర్పణలో యూవీ క్రియేషన్స్ అనుబంధ సంస్థ యూవీ కాన్సెప్ట్స్ బ్యానర్ పై ఈ సినిమా రూపొందుతోంది. ఇంట్రెస్టింగ్ ఫస్ట్ లుక్ పోస్టర్ - మినీ టీజర్ - పాటలతో ఈ సినిమాపై బజ్ క్రియేట్ అయింది. ఈ నేపథ్యంలో ఏప్రిల్ 30న 'ఏక్ మినీ కథ' చిత్రాన్ని రిలీజ్ చేయాలనుకున్నారు. అయితే ప్రస్తుతానికి ఈ సినిమా విడుదల వాయిదా వేస్తున్నట్లు మేకర్స్ తాజాగా ప్రకటించారు.

కోవిడ్ నేపథ్యంలో ఈ నెల విడుదల కావాల్సిన 'ఏక్ మినీ కథ' చిత్రాన్ని వాయిదా వేస్తున్నట్లు చిత్ర బృందం ఓ ఫన్నీ వీడియో ద్వారా వెల్లడించింది. హీరో సంతోష్ శోభన్ - కమెడియన్ సుదర్శన్ మధ్య జరిగిన ఫన్నీ సంభాషణలో కరోనా కారణంగా అందరూ సేఫ్ గా ఉండాలని సూచిస్తూ ఈ సినిమాని పోస్ట్ పోన్ చేస్తున్నట్లు ప్రకటించారు. పరిస్థితులు మెరుగుపడ్డాక కొత్త రిలీజ్ డేట్ ని అనౌన్స్ చేస్తామని తెలిపారు. కరోనా సెకండ్ వేవ్ నేపథ్యంలో ఇప్పటికే అనేక సినిమాలు వాయిదా పడిన సంగతి తెలిసిందే.