నటి కుష్బూ కుటుంబంలో విషాదం

మహమ్మారి వైరస్ ప్రముఖ దక్షిణాది నటి కుష్బూ కుటుంబంలో తీరని విషాదాన్ని నింపింది. కుష్బూ సమీప బంధువు కరోనా సోకి మృతిచెందడంతో ఆమె తీవ్ర విషాదంలో మునిగిపోయారని తెలిసింది.

దేశవ్యాప్తంగా మహమ్మారి వైరస్ ప్రబలుతోంది. మహారాష్ట్ర కేసుల సంఖ్య విపరీతంగా పెరుగుతోంది. ఆ రాష్ట్రంలోనే 62వేల మందికి పైగా వైరస్ బాధితులున్నారు. ఇప్పటికే 2వేల మంది మరణించారు.

ఈ క్రమంలోనే ముంబైలో ఉన్న కుష్బూ బంధువుకు ఈ మహమ్మారి వైరస్ సోకింది. తాజాగా అతడికి పరిస్థితి విషమించి చికిత్స పొందుతూ మరణించాడు.ఈ విషయాన్ని కుష్బూ ట్విట్టర్ ద్వారా తెలిపి శోకసంద్రమైంది.

అయితే మహమ్మారితో మృతిచెందిన బంధువును కడసారి కూడా చూడలేకపోతున్నామని.. వైరస్ తో మృతి చెందడంతో ఈ పరిస్థితి తలెత్తిందని కుష్బూ కన్నీళ్ల పర్యంతం అయ్యింది. ఆమెను ఓదారుస్తూ నెటిజన్లు, అభిమానులు సందేశాలు పంపుతున్నారు.