అల్లు హీరో నెగిటివ్ రోల్ చేయడం లేదట

అల్లు బ్రదర్ శిరీష్ ఇన్ని రోజులు హీరోగా ట్రై చేసి పెద్దగా సక్సెస్ అందుకోలేకపోయాడు. దీంతో ఇతర ఇండస్ట్రీల నుంచి కొత్త తరహా పాత్రలు చేయడానికి ఇంట్రెస్ట్ చూపిస్తున్నాడు. ఏకంగా సూర్య సినిమాలో అవకాశం దక్కించుకోవడం అందరికి ఆశ్చర్యాన్ని కలిగించింది. వీడొక్కడే - బ్రదర్స్ లాంటి డిఫరెంట్ సినిమాల తరువాత కేవీ.ఆనంద్ దర్శకత్వంలో మూడవసారి సూర్య హీరోగా చేస్తున్నాడు. ఇది సూర్యకి హీరోకి 37వ సినిమా.

అసలు మ్యాటర్ ఏంటంటే.. గత కొన్ని రోజులుగా కోలీవుడ్ లో అల్లు శిరీష్ పాత్రపై అనేక రకాల రూమర్స్ రావడం వైరల్ అయ్యింది. టాలీవుడ్ సైడ్ కూడా ఇప్పుడిపుడే ఆ న్యూస్ హాట్ టాపిక్ అయ్యింది. సూర్య సినిమాలో అల్లు శిరీష్ నెగిటివ్ పాత్రలో కనిపించనున్నాడు అని ఓ టాక్ ఊపందుకుంటోంది. అయితే ఆ న్యూస్ మరింత పెద్దగా అవ్వకముందే అల్లు సన్నిహితులు కొట్టిపారేశారు. సూర్య సినిమాలో అల్లు శిరీష్ పాత్ర చాలా డిఫరెంట్ గా ఉంటుందని నెగిటివ్ రోల్ కాదని క్లారిటీ ఇచ్చారు.

అదే విధంగా అల్లు శిరీష్ లుక్ కూడా చాలా కొత్తగా ఉండనుందని తెలుస్తోంది. ఇక ఈ ప్రాజెక్ట్ లో మోహన్ లాల్ కూడా ముఖ్య పాత్ర పోషించనున్నారు. కథలో ఆయన పాత్రే హైలెట్ గా ఉంటుందని సమాచారం. కేవీ.ఆనంద్ రంగం తరువాత తెలుగు ఆడియెన్స్ ని పెద్దగా మెప్పించలేకపోయారు. దర్శకుడిగా ఆయనకు మంచి గుర్తింపు ఉంది. మరి సూర్యతో చేస్తోన్న మూడవ సినిమాతో అయినా మెప్పిస్తాడో లేదో చూడాలి.