స్టార్ యాక్టర్స్ మేకప్ వేసుకోకుండా నటిస్తున్న సినిమా ఇదే!

'నీది నాది ఒకే కథ' ఫేమ్ వేణు ఊడుగుల దర్శకత్వంలో రానా, సాయిపల్లవి జంటగా 'విరాటపర్వం' అనే సినిమాలో నటిస్తున్న సంగతి తెలిసిందే. 1990ల నాటి కథాంశంతో పొలిటికల్ బ్యాక్ డ్రాప్ లో తెరకెక్కుతున్న ఈ సినిమా ఇప్పటివరకు 90శాతం పైనే షూటింగ్ పూర్తి చేసుకుందట. ఇక ఈ చిత్రంలో రానా పోలీస్ ఆఫీసర్ గా నటిస్తుండగా, సాయిపల్లవి నక్సలైట్ గా కనిపించనుంది. ఈ సినిమా రాజకీయ సంఘర్షణలతో సాగుతూ.. మహాభారతంలోని విరాటపర్వం ఎపిసోడ్ కి చాలా దగ్గరగా రూపొందుతుందట. ఇక ఈ సినిమా షూటింగ్.. వరంగల్, కేరళ, వికారాబాద్ లలోని దట్టమైన అడవి ప్రాంతాలలో జరిపినట్లు సమాచారం.

వేణు - రానా కాంబినేషన్లో సినిమా రాబోతుందని ప్రకటించినప్పటి నుండి సినిమా పై అంచనాలు ఓ రేంజ్ లో ఏర్పడ్డాయి. ఎందుకంటే డైరెక్టర్ విజన్ ఫస్ట్ సినిమాలోనే ప్రూవ్ చేసుకున్నాడు. ఈ సినిమాలో టాప్ యాక్టర్స్ నటిస్తున్నారు. నేషనల్ వైడ్ ఫేమ్ ఉన్న నందితా దాస్, జరీన్ వాహిబ్, ఈశ్వరి రావు, ప్రియమణి తదితరులు ముఖ్య పాత్రలు పోషిస్తున్నారు. ఇటీవలే.. ఈ సినిమా నుండి ప్రియమణి ఫస్ట్ లుక్ విడుదల చేశారు చిత్రయూనిట్. ప్రియమణి ఇందులో నక్సలైట్ భరత్తక్కగా కనిపిస్తుందట. ఇక మరో విశేషం ఏంటంటే.. ఈ సినిమాలోని నటులు ఎవరు కూడా మొహానికి రంగు వేసుకోలేదట. అంటే మేకప్ వేసుకోలేదు. వారి సహజమైన నటనతోనే.. సహజత్వంతో కూడిన క్యారెక్టర్లతో మెప్పిస్తారని సినిమా డైరెక్టర్ వేణు ఊడుగుల తెలిపాడు.

అందరూ కూడా డి-గ్లామర్ రోల్స్ చేస్తున్నారు.. ఒక్కరు కూడా మేకప్ వేసుకోకూడదు అనగానే అందరూ ఓకే చెప్పారని చెప్పాడు. సినిమా మొత్తం నటులు మేకప్ లేకుండా కనిపించడం పెద్ద విశేషం. ఇలా అరుదుగా జరుగుతుంది. ఇక ఈ సినిమాలో రానాకి తల్లిగా జరీనా వాహిబ్ నటిస్తుండగా.. నందిత దాస్ మానవ హక్కుల కోసం పోరాడే మహిళగా కనిపించనుంది. ఇక ఈ సినిమా షూటింగ్ కేవలం 10శాతం మిగిలి ఉందట. ఇండస్ట్రీలో అన్నీ పనులు ప్రారంభం అయితే మిగతా పోస్ట్ ప్రొడక్షన్ పూర్తి చేసి త్వరలోనే విడుదల తేదీని వెల్లడిస్తాం అంటున్నారు. ఇక ఈ సినిమాను డి. సురేష్ బాబు, సుధాకర్ చెరుకూరి సంయుక్తంగా నిర్మిస్తున్నారు.