మైదానంలో మాస్ ఫైట్ మూడ్.. శాంసన్, క్లాసెన్ మధ్య “లుక్ వార్”.. అసలేం జరిగిందంటే?

ఐపీఎల్ అంటేనే ఫోర్లు.. సిక్సర్లు.. ఆఖరి బంతి థ్రిల్లర్లు.. ఇవన్నీ ఒకెత్తయితే మైదానంలో ప్లేయర్స్ మధ్య జరిగే 'మాస్ ఎలివేషన్లు' ఇంకొకెత్తు.. నిన్నటి మ్యాచ్‌లో సరిగ్గా ఇలాంటి సీనే ఒకటి రిపీట్ అయింది. సాధారణంగా చాలా కూల్‌గా సైలెంట్‌గా ఉండే సీఎస్కే ఓపెనర్ సంజూ శాంసన్.. ఎప్పుడూ ఊరమాస్ అగ్రెషన్‌తో ఊగిపోయే హైదరాబాద్ స్టార్ బ్యాటర్ హెన్రిచ్ క్లాసెన్ మధ్య జరిగిన 'లుక్ వార్' ఇప్పుడు సోషల్ మీడియాను షేక్ చేస్తోంది. క్రికెట్ మ్యాచ్ కాస్తా కాసేపు డబ్ల్యూ.డబ్ల్యూ.ఈ రింగ్‌ను తలపించడంతో ఫ్యాన్స్‌కు పూనకాలు వచ్చేశాయి. అసలు నిన్న రాత్రి గ్రౌండ్‌లో ఏం జరిగిందో ఇప్పుడు తెలుసుకుందాం..

ప్లాన్ ఒకటైనా.. రివర్స్ అయింది..

అది మ్యాచ్‌లో అత్యంత కీలకమైన 15వ ఓవర్. క్రీజులో డేంజర్ మ్యాన్ క్లాసెన్ ఉన్నాడు. బౌలింగ్ వేస్తోంది నూర్ అహ్మద్. క్లాసెన్ మైండ్‌లో ఒకటే ప్లాన్.. బంతిని ఎలాగైనా బౌండరీ దాటించి పవర్ చూపించాలనుకున్నాడు. కానీ ఇక్కడే సీన్ రివర్స్ అయింది. నూర్ వేసిన క్లిష్టమైన బంతిని క్లాసెన్ భారీ షాట్ కొట్టబోయి పూర్తిగా మిస్ అయ్యాడు.

బంతి బ్యాట్‌కు దొరకలేదు కానీ వెనుక ‘చిరుత’లా కాచుకుని కూర్చున్న సంజూ శాంసన్ చేతులకు మాత్రం చిక్కింది. “కీపింగ్ అంటే ఇదిరా బాస్!” అనిపించేలా రెప్పపాటులో మెరుపు వేగంతో సంజూ స్టంప్స్ ఎగరగొట్టేశాడు. థర్డ్ అంపైర్ అవసరం కూడా లేకుండా క్లాసెన్ క్లీన్‌గా స్టంపౌట్ అయ్యాడు. ఇక్కడివరకు అంతా పద్ధతిగానే సాగింది.. కానీ అసలు సినిమా ఇక్కడే స్టార్ట్ అయింది!

బాహుబలి రేంజ్ ఏమోషన్.. క్లాసెన్ రియాక్షన్ నెక్స్ట్ లెవెల్..

వికెట్ తీసిన ఆనందంలో సంజూ శాంసన్ మామూలుగా సెలబ్రేట్ చేసుకోలేదు. ఔట్ అయి నిరాశగా పెవిలియన్ వైపు నడుస్తున్న క్లాసెన్ వైపు చూస్తూ ఒక రేంజ్ 'సీరియస్ లుక్' ఇచ్చాడు. సోషల్ మీడియాలో ఇప్పుడీ లుక్‌ను “ఐపీఎల్ డెత్ స్టేర్” అని పిలుస్తున్నారు. “ఏం తమ్ముడూ.. గాల్లోకి లేపుదాం అనుకున్నావా? ఇంకోసారి ట్రై చేయ్ చూద్దాం!” అన్న రేంజ్ యాటిట్యూడ్ సంజూ కళ్లలో కనిపించింది.

సాధారణంగా అవతలి వ్యక్తి సౌతాఫ్రికా రౌడీ.. పైగా క్లాసెన్.. ఆ లుక్ చూడగానే అతనికి ఎక్కడో కాలింది. పెవిలియన్ వైపు వెళ్లాల్సినోడు కాస్తా ఒక్కసారిగా వెనక్కి తిరిగి సంజూ శాంసన్ వైపు అగ్రెసివ్‌గా నడుచుకుంటూ వచ్చాడు. ఇద్దరూ ముఖాముఖి నిలబడి కళ్లతోనే యుద్ధం చేసుకున్నారు. కొన్ని మాటలు.. కొంచెం హీట్.. ఇంకొంచెం యాటిట్యూడ్ మిక్స్ అయ్యేసరికి స్టేడియంలో ఉన్న ఫ్యాన్స్ శ్వాస పీల్చడం కూడా మర్చిపోయారు. “సంజూ వర్సెస్ క్లాసెన్.. ది ఫైనల్ ఛాప్టర్” అనే రేంజ్‌లో మీమ్స్ క్రియేట్ చేయడానికి నెటిజన్లు అప్పటికే స్క్రీన్ షాట్లు తీసేసుకున్నారు.. అయితే ఈ లోపే అంపైర్లు ఈ బ్రేక్‌లో గొడవను ఆపే స్కూల్ టీచర్లలా పరిగెత్తుకుంటూ వచ్చి ఇద్దరినీ విడదీశారు. లేదంటే అక్కడ మ్యాచ్ కాస్తా మాస్ యాక్షన్ సినిమా అయిపోయేదే!

రెండు గ్రూపులుగా విడిపోయిన సోషల్ మీడియా..

ఈ వీడియో వైరల్ కావడమే ఆలస్యం.. సోషల్ మీడియాలో క్రికెట్ ఫ్యాన్స్ రెండు గ్రూపులుగా విడిపోయి ట్విట్టర్ , ఇన్‌స్టాగ్రామ్‌లలో రచ్చ రచ్చ చేస్తున్నారు. “మా వాడు ఎప్పుడూ సైలెంట్‌గా ఉంటాడు.. కానీ గెలికితే మాత్రం ఇలాగే ఇస్తాడు! వికెట్ తీశాక ఆ మాత్రం ఈగో ఉండడంలో తప్పేంటి?” అంటూ సంజూను ఆయన ఫ్యాన్స్ వెనకేసుకొస్తున్నారు. “క్లాసెన్ అగ్రెషన్ ముందు ఎవరైనా నథింగ్.. ఆ యాటిట్యూడే మాకు నచ్చుతుంది” అంటూ సన్ రైజర్స్ ఫ్యాన్స్ కౌంటర్లు ఇస్తున్నారు. మరికొందరు మీమర్స్ అయితే తమదైన శైలిలో సెటైర్లు పేలుస్తున్నారు. “అసలు వీళ్లిద్దరికీ ఒక కప్పు కాఫీ ఇచ్చి కాసేపు కూర్చోబెడితే.. ఐదు నిమిషాల్లో క్లోజ్ ఫ్రెండ్స్ అయిపోతారు.. దానికి ఇంత బిల్డప్ అవసరమా?” అంటూ పోస్టులు పెడుతున్నారు.

ఏది ఏమైనా ఐపీఎల్‌లో బాల్ పడే ప్రతి చోట ఏదో ఒక డ్రామా స్క్రిప్ట్ రెడీగా ఉంటుందని నిన్నటి సంఘటన మరోసారి నిరూపించింది. ఒక అదిరిపోయే స్టంపింగ్, ఒక పవర్ ఫుల్ లుక్, రెండు అగ్రెసివ్ స్టెప్పులు.. చాలు! సోషల్ మీడియా ట్రోలర్లకు, మీమర్లకు కనీసం రెండు రోజుల పాటు సరిపడా కంటెంట్ దొరికేసింది.

ప్రస్తుతానికి అభిమానుల మైండ్‌లో రన్ అవుతున్న ఒకే ఒక్క ప్రశ్న.. “ఇది కేవలం మ్యాచ్‌ మధ్యలో వచ్చిన కోపమా? లేక రాబోయే రోజుల్లో సంజూ-క్లాసెన్ మధ్య ఒక కొత్త రైవల్రీకి పడిన గట్టి పునాదా?” ఏమో.. చూడాలి మరి!