• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఇందిరమ్మ ఒడిలో రాహుల్...

ఇందిరమ్మ ఒడిలో రాహుల్ గాంధీ.. కాలం వెనక్కి వెళ్లిన వేళ ఓ అరుదైన వీడియో..

| 1980-81 ప్రాంతానికి చెందిన అరుదైన వీడియో సోషల్ మీడియాలో వైరల్ అవుతోంది. ఇందులో ఇందిరా గాంధీ కుటుంబ సభ్యులతో కలిసి భోజనం చేస్తూ చిన్ననాటి రాహుల్ గాంధీతో ఓపికగా మాట్లాడుతున్నారు. సోనియా, మేనకా, ప్రియాంక గాంధీలు కూడా కనిపిస్తున్నారు. ఈ పాత వీడియో నెటిజన్లలో ఆసక్తి రేపుతోంది.

By - A.N.Kumar
Update: 2026-11-09 19:16 GMT

కొన్ని దృశ్యాలు కాలంతో పాటు కనుమరుగైపోవు.. ఎప్పుడో ఒకప్పుడు మళ్లీ తెరపైకి వచ్చి మనసును తడుముతాయి. మరికొన్ని వీడియోలు కేవలం గతాన్ని గుర్తుచేయడమే కాదు.. చరిత్రలోని మనుషుల మధ్య ఉన్న అనుబంధాలను కూడా కళ్లముందు నిలుపుతాయి. ఇప్పుడు సోషల్ మీడియాలో వైరల్ అవుతున్న ఓ పాత వీడియో కూడా అలాంటిదే. అందులో కనిపిస్తున్నది మాజీ ప్రధాని ఇందిరాగాంధీ.. ఆమె పక్కనే చిన్నారి మన ప్రస్తుత ప్రతిపక్ష నేత రాహుల్ గాంధీ..

రాజకీయాల్లో ఉక్కు మహిళగా పేరొందిన ఇందిరాగాంధీని మనం ఎన్నోసార్లు చూశాం. దేశ ప్రధానిగా కఠిన నిర్ణయాలు తీసుకున్న నాయకురాలిగా.. అంతర్జాతీయ వేదికలపై భారతదేశ గొంతుకగా నిలిచిన వ్యక్తిగా ఆమె చరిత్రలో నిలిచిపోయారు. కానీ ఈ వీడియోలో మాత్రం ఆమె మరో రూపంలో కనిపిస్తున్నారు. దేశాన్ని నడిపించిన నాయకురాలిగా కాదు.. కుటుంబ సభ్యులతో కలిసి భోజనం చేస్తూ.. మనవడి ప్రశ్నలకు సమాధానాలు చెబుతున్న ఓ నానమ్మగా కనిపిస్తున్నారు.

సుమారు 1980-81 కాలానికి చెందినదిగా భావిస్తున్న ఈ వీడియోలో డైనింగ్ టేబుల్ వద్ద ఇందిరాగాంధీ.. చిన్నారి రాహుల్ గాంధీ మధ్య ఆసక్తికరమైన సంభాషణ కనిపిస్తోంది. రాహుల్ ఏదో అడుగుతుంటే ఇందిర ఎంతో ఓపికగా సమాధానమిస్తున్నట్లు వీడియోలో కనిపిస్తుంది. వారి మధ్య ఉన్న ఆ సహజమైన అనుబంధం.. ఆప్యాయత చూస్తుంటే ఒక క్షణం రాజకీయాలన్నీ పక్కకు వెళ్లిపోతాయి. ఆ టేబుల్ దగ్గర సోనియా గాంధీ, మేనకా గాంధీ, ప్రియాంకా గాంధీ కూడా కనిపిస్తున్నారు. కుటుంబ సభ్యులంతా కలిసి గడిపిన ఆ క్షణాలు ఇప్పుడు దశాబ్దాల తర్వాత మళ్లీ వెలుగులోకి వచ్చాయి.

ఈ వీడియోలోని మరో ప్రత్యేకత ఏమిటంటే.. ఇందులో కనిపిస్తున్న చిన్నారి రాహుల్ ఇప్పుడు దేశ రాజకీయాల్లో కీలక నాయకుడిగా ఎదిగారు. ఒకప్పుడు నానమ్మను ప్రశ్నలు అడుగుతూ డైనింగ్ టేబుల్ దగ్గర కూర్చున్న బాలుడు.. ఇప్పుడు పార్లమెంటులో ప్రభుత్వాన్ని ప్రశ్నిస్తున్నాడు. రాజకీయ వేదికలపై తనదైన ముద్ర వేస్తున్నాడు.

కాలం ఎంత వేగంగా మారిపోయిందో ఈ ఒక్క వీడియో చూస్తే అర్థమవుతుంది. అప్పట్లో కుటుంబ సభ్యుల మధ్య సాగిన చిన్న చిన్న సంభాషణలు.. ఇప్పుడు ఒక తరం రాజకీయ జ్ఞాపకాలుగా మారిపోయాయి.

ఇందిరాగాంధీ మరణించి దశాబ్దాలు గడిచిపోయాయి. అయినప్పటికీ ఆమెకు సంబంధించిన ప్రతి అరుదైన దృశ్యం ఇప్పటికీ ప్రజల్లో ఆసక్తిని రేకెత్తిస్తోంది. ముఖ్యంగా ఆమె కుటుంబంతో గడిపిన వ్యక్తిగత క్షణాలు అభిమానులను భావోద్వేగానికి గురిచేస్తున్నాయి.

ప్రస్తుతం ఈ అరుదైన వీడియోను కాంగ్రెస్ పార్టీ శ్రేణులు సోషల్ మీడియాలో విస్తృతంగా షేర్ చేస్తున్నాయి. రాజకీయ విమర్శలు, ఆరోపణలు, అధికార పోరాటాలతో నిత్యం వార్తల్లో ఉండే గాంధీ కుటుంబానికి సంబంధించిన ఈ దృశ్యం మాత్రం భిన్నమైన అనుభూతిని కలిగిస్తోంది. ఎందుకంటే నాయకులుగా మనం చూసే వ్యక్తులకు కూడా ఒక కుటుంబం ఉంటుంది. వారి జీవితాల్లోనూ చిన్ననాటి అల్లరి, నానమ్మ ప్రేమ, కుటుంబంతో కలిసి గడిపే మధుర క్షణాలు ఉంటాయి. అదే వీడియోలో కాంగ్రెస్ శ్రేణులను భావోద్వేగానికి గురిచేస్తోంది. దీన్ని వైరల్ అయ్యేలా చేస్తోంది.



A rare glimpse ✨ A young Rahul with a curious mind . Asking questions, across the table from his grandmother, Indira Gandhi. ❤️ https://t.co/Y9tMjjjX6q

— Snowbell (@Snowbel) November 9, 2026


Tags:    
  • indiragandhi 
  • rahulgandhi 
  • soniagandhi 
  • priyankagandhi 
  • manekagandhi 
  • oldvideo 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS