• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఎంతో క్షోభను మోసిన తల్లి...

ఎంతో క్షోభను మోసిన తల్లి చివరికి ఇలా చేసింది..

| కుటుంబ కలహాలతో జీవితాలు నాశనం కావడమే కాదు.. సమాజంపైన కూడా తీవ్ర ప్రభావం పడుతుంది.

By - Tupaki Political Desk
Update: 2025-10-15 07:04 GMT

కుటుంబ కలహాలతో జీవితాలు నాశనం కావడమే కాదు.. సమాజంపైన కూడా తీవ్ర ప్రభావం పడుతుంది. పెద్దల పర్యవేక్షణ లేకపోవడం (న్యూక్లియర్ ఫ్యామిలీస్), సంసారం ఈదేందుకు కావలసిన అనుభవం లేకపోవడంతో దంపతులు చిన్న చిన్న వాటికే ఘోరమైన నిర్ణయాలు తీసుకుంటున్నారు. భారతీయ సమాజంలో కుటుంబ వ్యవస్థ జీవనాడి. ఇక్కడి నుంచి మనిషి ఎదుగుదల, నాశనం ప్రారంభమవుతుంది. అందుకే కుటుంబ సమస్యలతో కోర్టులకు వెళ్లే వారి పట్ల న్యాయస్థానాలు సున్నితంగా వ్యవహరిస్తుంటాయి. ఇటీవల హైదరాబాద్ లో చోటు చేసుకున్న ఘటన తీవ్రంగా కలిచి వేస్తుంది.

హైదరాబాద్‌ బాలానగర్‌లో సాయిలక్ష్మి ఘటన ప్రతి మనసునూ కుదిపేసింది. ఇది కేవలం ఒక కుటుంబ విషాదం కాదు.. సమాజం తన బాధ్యతను మరచిపోయిందని చెప్పేందుకు సూచన. రెండేళ్ల కవల పిల్లల్లో ఒకరికి మాటలు రావడం లేదని భర్త తరచూ బాధ పెట్టడంతో తల్లి నిరాశ చెంది పిల్లల ప్రాణాలు తీసి, తాను తనువు చాలించుకున్న ఘటన తీవ్రంగా చలించివేసింది.

సాయిలక్ష్మి కథలోని బాధ

సాయిలక్ష్మి (27) సాధారణ యువతి. కుటుంబం అనే చక్రంలోకి వచ్చి ఇద్దరు పండంటి పిల్లలకు జన్మనిచ్చి కుటుంబాన్ని నిర్మించింది. తన కన్న పిల్లల్లో ఒక కుమారుడికి మాటలు రాకపోవడమే ఆమె జీవితాన్ని నరకంగా మార్చింది. భర్త అనిల్‌కుమార్‌ ఒక సాఫ్ట్‌వేర్‌ ఉద్యోగి, ఆధునిక విద్యావంతుడు. అయినప్పటికీ, తన కుమారుడి జన్యుపరమైన సమస్యను అర్థం చేసుకునే స్థాయికి ఎదగలేకపోయాడు. అతని ప్రవర్తన శాస్త్రానికీ, మానవత్వానికీ అవమానం. పిల్లలోని లోపాన్ని భార్యపై నెట్టడం ఒక ‘విద్యావంతుడి అజ్ఞానం’గానే చూడాలా?

సాయిలక్ష్మి ఆ బాధను అనేక రాత్రులు మౌనంగా మోసింది. ఆమె తల్లిదండ్రులు కూడా మధ్యవర్తిత్వం చేశారు, కానీ భర్త మనసు మారలేదు. చివరికి ఆమె ‘మారడు’ అన్న వాక్యం వీడియోలో చెప్పినప్పుడు అది ఒక నిస్సహాయ స్త్రీ చివరి మాటగా మిగిలిపోయింది.

దిండుతో హత్య ఆపై ఆత్మహత్య

మంగళవారం (అక్టోబర్ 14) తెల్లవారుజామున సాయిలక్ష్మి ముందుగా తన కవల పిల్లలు కార్తికేయ, లాస్యతవల్లిని దిండుతో ఊపిరాడనివ్వకుండా చంపింది. ఆ తర్వాత భవనం నాలుగో అంతస్తు నుంచి దూకి ప్రాణాలు విడిచింది. ఆమె ఫోన్‌లో రికార్డు చేసిన వీడియో ఒక తల్లి గుండె చీల్చే విలాపం. ‘పిల్లలు నాతోనే వచ్చారు.. నాతోనే పోతారు..’ అని చెప్పిన వాక్యం మానసిక ఒత్తిడి ఎంత లోతుగా ఉంటుందో చూపిస్తుంది.

అలాచేయడం కరెక్ట్ కాదు.. ఎన్నో పరిష్కారాలు..

సాయి లక్ష్మి గాథ విన్నవారు ఎవరైనా ఆమె పడిన బాధ వర్ణింపబడేది కాదనడం సబబే.. కానీ సమస్యకు చావే పరిష్కారం కాదు.. సాయి లక్ష్మి ఈ నిర్ణయాన్ని మరోలా తీసుకుంటే ఇద్దరు పిల్లలు అందమైన ప్రపంచాన్ని నిర్మించేవారేమో.. జన్యు సంబంధమైన వ్యాధిని సాకుగా చూపి తనపై నిందలు వేసి వేధించిన భర్త, అత్తమామలకు శిక్ష పడేదోమో. ఈ తరం అమ్మాయిలు పోరాటం నేర్చుకోవాలి. సమస్యలు లేని మనిషి కాదు.. జీవి సైతం లేదు బతకాలంటే పోరాటం తప్పనిసరి. బాధలతో తాను సూసైడ్ చేసుకుంది. పిల్లలు ఏం చేశారని వారిని చంపింది. ఇది కరెక్ట్ కాదన్న వారు చాలా మంది ఉన్నారు. హత్య, ఆత్మహత్యలు ఎప్పుడు పరిష్కారాలు కావు.

ఇది ఒక్క కుటుంబం గాధ కాదు. మన సమాజంలో ఇలాంటి వందలాది సాయిలక్ష్మిలు జీవిస్తున్నారు. తమ బాధను చెప్పుకోలేక, చనిపోవాలనే నిర్ణయం తీసుకుంటున్నారు. మనకు కావలసింది ‘మానసిక అవగాహన’ మాత్రమే కాదు.. భార్యభర్తల మధ్య భావోద్వేగాలను సమంగా చూసే విధానం.. పిల్లల లోపాలను భార్య లేదా భర్త తప్పుగా చూడడం సరికాదు. బాలానగర్‌ ఘటనపై పోలీసులు వేగంగా స్పందించి సాయిలక్ష్మి భర్త అనిల్‌కుమార్‌, అతని తల్లిదండ్రులపై కేసు నమోదు చేశారు.

Tags:    
  • HyderabadTragedy 
  • SailakshmiIncident 
  • FamilyMentalHealth 
  • EmotionalSupport 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS