విరోష్ మొదటి నెల ప్రయాణం అందమైన కలలా
టాలీవుడ్ లవ్ కపుల్ విజయ్ దేవరకొండ- రష్మిక మందన్న (విరోష్) తమ వైవాహిక జీవితంలో ఒక ముఖ్యమైన మైలురాయిని చేరుకున్నారు.;
టాలీవుడ్ లవ్ కపుల్ విజయ్ దేవరకొండ- రష్మిక మందన్న (విరోష్) తమ వైవాహిక జీవితంలో ఒక ముఖ్యమైన మైలురాయిని చేరుకున్నారు. వీరిద్దరూ వివాహం చేసుకుని అప్పుడే ఒక నెల గడిచిపోయింది. ఈ సందర్భాన్ని పురస్కరించుకుని ఈ జంట తమ మొదటి నెల వార్షికోత్సవాన్నిఅత్యంత ప్రేమపూర్వకమైన వాతావరణంలో జరుపుకున్నారు. గత నెలలో జరిగిన వీరి వివాహం దక్షిణాది సినీ పరిశ్రమలోనే అత్యంత చర్చనీయాంశమైన వేడుకగా నిలిచిన సంగతి తెలిసిందే.
ఈ ప్రత్యేక సందర్భాన్ని పురస్కరించుకుని విజయ్ దేవరకొండ తన ఇన్స్టాలో షేర్ చేసిన ఒక పోస్ట్ ప్రస్తుతం సోషల్ మీడియాలో సెన్సేషన్గా మారింది. రష్మికతో కలిసి ఉన్న ఒక సహజమైన.. అందమైన ఫోటోను షేర్ చేస్తూ `ఫరెవర్` అని ఆయన క్యాప్షన్ ఇచ్చారు. ఈ పోస్ట్కు రష్మిక స్పందిస్తూ హార్ట్ ఎమోజీలను జత చేసి తన ప్రేమను వ్యక్తపరిచారు. ఈ ఒక నెల కాలం తమకు ఒక అందమైన కలలా గడిచిపోయిందని..తమ మధ్య బంధం మరింత బలపడిందని విజయ్ తన సన్నిహితులతో షేర్ చేసుకున్నారు.
పెళ్లి తర్వాత కూడా ఈ జంట తమ వృత్తిపరమైన బాధ్యతలను ఏమాత్రం విస్మరించడం లేదు. హనీమూన్ కోసం ఒక చిన్న వెకేషన్కు వెళ్లి వచ్చిన వెంటనే ఇద్దరూ తమ సినిమా షూటింగ్లతో బిజీ అయిపోయారు. రష్మిక ప్రస్తుతం తన తదుపరి పాన్ ఇండియా చిత్రాల పనుల్లో నిమగ్నమై ఉండగా.. విజయ్ కూడా తన కొత్త ప్రాజెక్టులతో బిజీగా ఉన్నారు. కెరీర్, వ్యక్తిగత జీవితాన్ని బ్యాలెన్స్ చేయడంలో ఈ జంట అందరికీ ఆదర్శంగా నిలుస్తోంది. ప్రస్తుతం వీరు ముంబైలో తమ కొత్త కాపురాన్ని ఏర్పాటు చేసుకున్నట్లు సమాచారం.
సోషల్ మీడియాలో `విరోష్` హ్యాష్ ట్యాగ్తో అభిమానులు పండుగ చేసుకుంటున్నారు. విజయ్ పోస్ట్ చేసిన కొద్ది నిమిషాల్లోనే లక్షలాది లైకులు, కామెంట్లు వచ్చి చేరాయి. అభిమానులు తాము ప్రేమించిన జంటను ఒకటైనందుకు సంతోషిస్తూ.. వారు కలిసి నటించిన `గీత గోవిందం`, `డియర్ కామ్రేడ్` సినిమాల క్లిప్పింగులను ఎడిట్ చేసి షేర్ చేస్తున్నారు. టాలీవుడ్ , బాలీవుడ్కు చెందిన పలువురు సినీ ప్రముఖులు కూడా ఈ జంటకు తమ శుభాకాంక్షలను తెలియజేశారు.
ఇరు కుటుంబాల సభ్యులు కూడా ఈ ఒక నెల వేడుకలను కలిసి జరుపుకున్నట్లు తెలుస్తోంది. రహస్యంగా అత్యంత ప్రైవేట్ వేడుకగా మొదలైన వీరి పెళ్లి ప్రయాణం ఇప్పుడు ఒక అందమైన మలుపు తిరిగింది. వెండితెరపై మ్యాజిక్ చేసిన ఈ జోడీ నిజ జీవితంలో కూడా ఒకరికొకరు తోడుగా నిలుస్తూ.. తమ అభిమానులకు కనువిందు చేస్తున్నారు. మునుముందు ఈ జంట మరిన్ని విజయాలను అందుకోవాలని..ఈ బంధం కలకాలం ఇలాగే వర్ధిల్లాలని ఫ్యాన్స్ ఆకాంక్షిస్తున్నారు.