'స్పిరిట్' టు 'ఫౌజీ'… ప్రభాస్ కోసం సందీప్ వంగా మాస్టర్ ప్లాన్!

రెబల్ స్టార్ ప్రభాస్ లైనప్ చూస్తుంటేనే బాక్సాఫీస్ దగ్గర ఎలాంటి విధ్వంసం జరగబోతోందో అర్థమవుతోంది. ప్రస్తుతం ఆయన నటిస్తున్న మోస్ట్ అవైటెడ్ మూవీస్ ‘స్పిరిట్’, ‘ఫౌజీ’ షూటింగ్స్ జెట్ స్పీడ్‌లో దూసుకుపోతున్నాయి. రెండు భారీ ప్రాజెక్ట్స్ ప్యారలల్‌గా జరుగుతుండటంతో సినిమా అనుకున్న టైమ్‌కి వస్తుందా లేదా అని కంగారుపడుతున్న ఫ్యాన్స్‌కు డైరెక్టర్ సందీప్ రెడ్డి వంగా తన పక్కా ప్లానింగ్‌తో ఫుల్ క్లారిటీ ఇచ్చేశారు. ప్రభాస్ ప్యాక్డ్ షెడ్యూల్, వంగా మాస్టర్ ప్లాన్ విశేషాలు ఇప్పుడు చూద్దాం.

‘స్పిరిట్’ కోసం జెట్ స్పీడ్ షెడ్యూల్:

సందీప్ రెడ్డి వంగా సినిమా అంటేనే రా అండ్ రస్టిక్‌గా, విజువల్ ఎఫెక్ట్స్‌తో సంబంధం లేకుండా సీన్స్ చాలా న్యాచురల్‌గా ఉంటాయి. ఇప్పుడు ప్రభాస్‌తో తెరకెక్కిస్తున్న ‘స్పిరిట్’ సినిమాని ఆయన అసలు గ్యాప్ లేకుండా పరుగులు పెట్టిస్తున్నారు. తాజాగా అందుతున్న సమాచారం ప్రకారం.. ఈ సినిమాకు సంబంధించిన ఒక సాంగ్ షూట్ ఈరోజుతో కంప్లీట్ కానుంది. ఇక దీని తర్వాత ప్రభాస్‌కు ఒక రోజు రెస్ట్ ఇచ్చి, వెంటనే కూకట్‌పల్లిలో నెక్స్ట్ షెడ్యూల్ స్టార్ట్ చేయబోతున్నారు.

బ్రేక్ తర్వాత ‘ఫౌజీ’కి రెండు నెలలు ఫిక్స్:

కూకట్‌పల్లి షెడ్యూల్ ముగిసిన వెంటనే ప్రభాస్ ఒక 10 రోజుల బ్రేక్ కోసం విదేశాలకు వెళ్లనున్నారు. అక్కడి నుంచి ఇండియాకు తిరిగి రాగానే మళ్లీ మరో 10 రోజుల పాటు ‘స్పిరిట్’ షూటింగ్‌లో పాల్గొంటారు. ఈ క్రేజీ షెడ్యూల్స్ అన్నీ పూర్తయిన తర్వాత, ప్రభాస్ తన తదుపరి రెండు నెలల సమయాన్ని పూర్తిగా డైరెక్టర్ హను రాఘవపూడి తెరకెక్కిస్తున్న ‘ఫౌజీ’ సినిమా కోసమే కేటాయించబోతున్నారు. ఇక ఇలా ఎక్కడా కన్ఫ్యూజన్ లేకుండా డేట్స్ ప్లాన్ చేశారు.

70 శాతం షూటింగ్ కంప్లీట్.. రిలీజ్ ఎప్పుడంటే?:

ట్రేడ్ వర్గాల సమాచారం ప్రకారం.. ‘స్పిరిట్’ సినిమాకు సంబంధించి ఇప్పటికే 60 నుంచి 70 శాతం షూటింగ్ పూర్తయిపోయింది. వీలైనంత త్వరగా బ్యాలెన్స్ షూట్ ముగించి, పోస్ట్ ప్రొడక్షన్ పనులకు, వరల్డ్ వైడ్ ప్రమోషన్స్‌కు భారీగా టైం కేటాయించాలని సందీప్ వంగా ప్లాన్ చేశారు. ఇక ప్రభాస్ గ్లోబల్ ఇమేజ్‌కి తగ్గట్టుగా ప్రమోషన్స్ గట్టిగా ప్లాన్ చేస్తున్నారు. ఇక వచ్చే ఏడాది మార్చి 5వ తేదీన ఈ సినిమా బాక్సాఫీస్ బద్దలుకొట్టడం ఖాయంగా కనిపిస్తోంది. ఈ మూవీలో ‘యానిమల్’ బ్యూటీ తృప్తి డిమ్రి హీరోయిన్‌గా నటిస్తోంది.

థియేటర్లలో పూనకాలు గ్యారెంటీ:

ఒకవైపు సందీప్ వంగా మార్క్ పవర్‌ఫుల్ పోలీస్ స్టోరీ ‘స్పిరిట్’, మరోవైపు హను రాఘవపూడి మార్క్ సైనిక నేపథ్యమున్న ఎమోషనల్ ప్రేమకథ ‘ఫౌజీ’.. ఈ రెండు సినిమాలు కూడా ప్రభాస్ రేంజ్‌ను ఎక్కడికో తీసుకెళ్తాయని ఫ్యాన్స్ నమ్ముతున్నారు. ఇక ప్రభాస్ బ్యాక్ టు బ్యాక్ షెడ్యూల్స్‌తో బిజీగా ఉంటూ సినిమాలను పూర్తి చేస్తున్న తీరు చూస్తుంటే.. వచ్చే ఏడాది థియేటర్లలో రెబల్ స్టార్ ఫ్యాన్స్‌కు పూనకాలు రావడం గ్యారెంటీ అని చెప్పొచ్చు.