పెళ్లి త‌ర్వాత మ‌రింత స్పెష‌ల్‌గా ర‌కుల్

``నేను కష్టపడి పనిచేస్తాను.. ఆడిషన్ చేస్తాను.. ఆపై న‌న్ను ఒక‌ పాత్ర వరిస్తుంది. నాకు ఎప్పుడూ ఆ నమ్మకం ఉండేది`` అని తెలిపింది ర‌కుల్ ప్రీత్ సింగ్. కానీ కాస్టింగ్ ఏజెంట్ల‌కు 100సార్లు కాల్ చేయాల్సి వ‌చ్చేదని కూడా వెల్ల‌డించింది.

ప్రారంభ ద‌శ‌లో ముంబైకి వ‌చ్చాక ఏమీ తెలియ‌ని అమాయ‌కురాలిని. ఇప్ప‌టికీ నేను కొంచెం అలానే ఉన్నాన‌ని అనుకుంటాను. ప‌రిశ్ర‌మ గురించి, ఇక్క‌డ అవ‌కాశాల గురించి అస్స‌లు ఏమీ తెలీదు. ఎలా ఉండాలో మార్గ‌నిర్దేశ‌నం చేసేవారు కూడా లేరు. నేను చాలా సింపుల్ గా ఆలోచించేదానిని... కానీ తద్వారా ఏదీ జ‌ర‌గ‌దు అని తెలుసుకున్నానని ర‌కుల్ అంది.

ఒక కొత్త వ్యక్తిగా నా అతిపెద్ద బలం నా పట్టుదల. నేను కాస్టింగ్ డైరెక్ట‌ర్ల‌కు పదే ప‌దే కాల్ చేసేదానిని.. ఒక్కోసారి వంద సార్లు కాల్ చేసిన సంద‌ర్భాలున్నాయి. నా కాల్ డిస్ క‌నెక్ట్ అయ్యేవ‌ర‌కూ చేస్తూనే ఉండేదానిని... వాళ్ల‌కు అప్ప‌టికి నేను పెద్ద‌గా తెలీదు కాబ‌ట్టి నేను సిగ్గుప‌డ‌లేదు. కాస్టింగ్ ఏజెంట్లు నన్ను గుర్తించడానికి పది రెట్లు ఎక్కువ ప్రయత్నం చేయాల్సి వచ్చింది. నాకు కావలసింది ఒకే ఒక్క ఛాన్స్.. ఒకే ఒక్క ఆడిష‌న్ చేయించండి అని కోరుకున్న‌ట్టు తెలిపింది.

ఇటీవేల ర‌కుల్ -అజ‌య్ దేవ‌గ‌న్ జోడీ న‌టించిన దేదే ప్యార్ దే 2 ఆశించిన విజ‌యాన్ని అందుకుంది. ప్రస్తుతం పతి పత్ని ఔర్ వో 2 చిత్రీక‌ర‌ణ‌లో బిజీగా ఉంది ర‌కుల్. ఈ సినిమాలో మరో రిఫ్రెషింగ్ నటనను ప్రదర్శించే అవకాశం ఉందని తెలుస్తోంది. సినీపరిశ్రమ గురించి పరిమిత జ్ఞానం మాత్ర‌మే ఉన్నా కానీ, తనపై అచంచలమైన నమ్మకంతో ముంబైకి వచ్చిన విషయాన్ని గుర్తు చేసుకుంది. నేను ముంబైకి వెళ్ళినప్పుడు చాలా అమాయకంగా ఉండేవాడిని. నేను ఇప్పటికీ కొంచెం అమాయకురాలిని అని నేను అనుకుంటున్నాను.

నిరంత‌ర ఫోటోషూట్లు:

ర‌కుల్ ఇటీవ‌ల త‌న భ‌ర్త‌తో క‌లిసి స్టోర్ లాంచింగ్ కార్య‌క్ర‌మాల‌కు రెగ్యుల‌ర్ గా అటెండ‌వుతోంది. భార‌త‌దేశంలో అత్యుత్త‌మ ఆద‌ర్శ‌వంత‌మైన ఫిట్టెస్ట్ కపుల్‌గా పాపుల‌రైన ఈ జోడీ సైడ్ ఇన్ క‌మ్ అసాధార‌ణంగా పెరిగిందంటూ కామెంట్లు వినిపిస్తున్నాయి. తాజాగా ర‌కుల్ ప్రీత్ సింగ్ స్ట‌న్నింగ్ బ్యాక్ లెస్ ఫోజ్ అంత‌ర్జాలంలో వైర‌ల్ గా మారుతోంది. మిర్ర‌ర్‌లో ఎంతో అందంగా ఒద్దికగా కుదిరింది ఈ లుక్. ర‌కుల్ పెళ్లి త‌ర్వాత మ‌రింత గ్లామ‌ర‌స్ గా మారుతోంద‌ని యువ‌త‌రం కామెంట్లు చేస్తున్నారు.