అనీత్ పద్దా రస్ట్ అండ్ స్టార్‌డస్ట్ లుక్.. ఎట్రో కో-ఆర్డ్ డ్రెస్‌లో సెన్సేషన్!

బాలీవుడ్ యంగ్ బ్యూటీ అనీత్ పద్దా తాజాగా సోషల్ మీడియాలో పంచుకున్న లేటెస్ట్ ఫోటోలు ఫ్యాషన్ ప్రపంచంలో కొత్త చర్చకు దారితీశాయి. ప్రముఖ వెబ్ సిరీస్ 'హుంకార్' ప్రీమియర్ స్క్రీనింగ్ వేదికగా ఈ ముద్దుగుమ్మ ధరించిన డిజైనర్ ఔట్‌ఫిట్ అందరినీ కట్టిపడేసింది. లగ్జరీ ఫ్యాషన్ బ్రాండ్ 'ఎట్రో'కు చెందిన రస్ట్-టోన్ కో-ఆర్డ్ డ్రెస్‌లో ఎంతో స్టైలిష్‌గా కనిపిస్తూ, తనదైన అందంతో సోషల్ మీడియాలో సెగలు రేపుతోంది. అనీత్ పద్దా పోస్ట్ చేసిన ఈ పిక్స్ ప్రస్తుతం నెట్టింట విపరీతంగా వైరల్ అవుతున్నాయి.

ఎట్రో జాక్వర్డ్ కార్సెట్ అండ్ ట్రౌజర్స్ స్పెషల్స్:

ఈ ప్రీమియర్ ఈవెంట్ కోసం అనీత్ పద్దా ప్రముఖ లగ్జరీ బ్రాండ్ 'ఎట్రో'కు చెందిన కస్టమ్ కో-ఆర్డ్ సెట్‌ను ఎంచుకుంది. ఫ్లోరల్ మెడాలియన్ మోటిఫ్‌తో డిజైన్ చేసిన ఎట్రో జాక్వర్డ్ కార్సెట్ టాప్, దానికి మ్యాచింగ్‌గా ఎర్తీ రస్ట్-టోన్ పెయిజ్లీ మోటిఫ్ ఉన్న వూల్-బ్లెండ్ వైడ్-లెగ్ ట్రౌజర్స్ ధరించింది. ఇక స్టైలిస్టులు చందిని వహాబీ, ఎల్సీ చేత్రి క్యూరేట్ చేసిన ఈ అవుట్‌ఫిట్‌కు క్రిస్టియన్ లౌబౌటిన్ పంప్స్, మియా బై తనిష్క్ జ్యువెలరీ జతచేసి పర్ఫెక్ట్ లుక్‌ను తెచ్చింది.

'రస్ట్ & స్టార్‌డస్ట్' క్యాప్షన్ అండ్ ఫ్యాన్స్ రెస్పాన్స్:

ఈ అద్భుతమైన లుక్‌కు "రస్ట్ & స్టార్‌డస్ట్" అంటూ అనీత్ ఆసక్తికరమైన క్యాప్షన్ జోడించింది. ఈ పోస్ట్ చూసిన అభిమానులు "గోర్జియస్", "సో క్యూట్", "స్టన్నింగ్ ఫ్యాషన్ గోల్స్" అంటూ కామెంట్ల వర్షం కురిపిస్తూ లైకులతో ముంచెత్తుతున్నారు. ఇక లాక్మే ఫ్యాషన్ వీక్ వేదికపై ఆమె ఇచ్చిన వాక్ కూడా ఫ్యాషన్ ప్రేమికులను ఎంతగానో ఆకట్టుకుంది.

సలామ్ వెంకీ నుంచి 'సయ్యారా' వరకు :

కాజోల్ నష్ట నటించిన 'సలామ్ వెంకీ' చిత్రంతో సపోర్టింగ్ ఆర్టిస్ట్‌గా కెరీర్ ప్రారంభించిన అనీత్, అమెజాన్ ప్రైమ్ సిరీస్ తో లీడ్ యాక్ట్రెస్‌గా గుర్తింపు తెచ్చుకుంది. మోహిత్ సూరి దర్శకత్వంలో వచ్చిన 'సయ్యారా' (2025) సినిమాతో బ్లాక్‌బస్టర్ హిట్ అందుకోవడమే కాకుండా క్రిటిక్స్ ప్రశంసలు, అవార్డులను కైవసం చేసుకుంది. ఇక 'ఫోర్బ్స్ ఇండియా 30 అండర్ 30' జాబితాలో చోటు దక్కించుకుని యువ సంచలనంగా మారింది.

చేతిలో క్రేజీ ప్రాజెక్టులు:

ప్రస్తుతం అనీత్ పద్దా కెరీర్ పరంగా దూసుకెళ్తోంది. మాడాక్ హర్రర్ కామెడీ యూనివర్స్‌లో తెరకెక్కుతున్న 'శక్తి శాలిని' టైటిల్ రోల్‌లో నటిస్తూ ఫుల్ బిజీగా ఉంది. 'సైయారా' (Saiyaara) సినిమాతో భారీ విజయాన్ని అందుకున్న అనీత్ పడ్డా, అహాన్ పాండే జోడీ మళ్లీ దర్శకుడు మోహిత్ సూరితో కలిసి మరో మ్యూజికల్ రొమాంటిక్ లవ్ స్టోరీ కోసం చేతులు కలిపారు. ఇది 2027 లో థియేటర్లలో విడుదలయ్యే అవకాశం ఉంది. ఇక తన అద్భుతమైన నటనతో పాటు ట్రెండీ ఫ్యాషన్ ఛాయిస్‌లతో కుర్రకారును ఏలుతున్న అనీత్ పద్దా, రాబోయే రోజుల్లో బాలీవుడ్‌లో మోస్ట్ వాంటెడ్ హీరోయిన్‌గా మరింత ఎత్తుకు ఎదగాలని అభిమానులు ఆశిస్తున్నారు.