OTT ల‌కు ఝ‌ల‌కిచ్చిన స‌మాచార ప్ర‌సార శాఖ‌

భారతీయ సమాజం సంస్కృతిని చెడుగా చిత్రీకరించే కంటెంట్ ను ప్రభుత్వం సహించలేదని కేంద్ర సమాచార ప్రసార శాఖ మంత్రి అనురాగ్ ఠాకూర్ OTT ల‌ను హెచ్చ‌రించారు. కంటెంట్ నియంత్రణకు సంబంధించిన ఆందోళనలను పరిష్కరించడానికి ఓవర్-ది-టాప్ (OTT) ప్లాట్ ఫారమ్ ల టాప్ ఎగ్జిక్యూటివ్ లతో నిర్వహించిన ఉన్నత స్థాయి సమావేశంలో మంత్రి ఈ వ్యాఖ్య‌లు చేసారు. భారతీయ సమాజం సంస్కృతిని కించపరచకుండా నిరోధించాల్సిన అవసరాన్ని నొక్కి చెబుతూనే సృజనాత్మక స్వేచ్ఛ బాధ్యతాయుతమైన కంటెంట్ మధ్య సమతుల్యతను సాధించడం ఈ సమావేశం లక్ష్యమ‌ని మంత్రివ‌ర్యులు అన్నారు.

మంత్రిత్వ శాఖ వర్గాల ప్రకారం.. సృజనాత్మక స్వేచ్ఛ పేరుతో OTT ప్లాట్ ఫారమ్ లు నిర్లక్ష్యంగా ఉండటానికి అనుమతించలేమ‌ని మంత్రి స్పష్టంగా చెప్పారు. పెరుగుతున్న అసభ్యత హింసను భ‌రించ‌లేం. సైద్ధాంతిక పక్షపాతంతో OTT కంటెంట్ లో భారతీయ మతాలు సంప్రదాయాలను కించ‌ప‌రుస్తూ చిత్రీకరించే షోల‌ను ఆందోళనలకు కార‌ణ‌మ‌య్యే కంటెంట్ నియంత్రిస్తామ‌ని దీనికి నీతి నియమావళిని అమలు చేయాల్సి ఉంద‌ని అన్నారు. భారతీయ సమాజం సంస్కృతిని కించపరిచే విష ప్రచారం .. సైద్ధాంతిక పక్షపాతాలను ప్రచారం చేయడానికి OTT ప్లాట్ ఫారమ్ లను ఎందుకు ఉపయోగిస్తున్నారని ఆశ్చర్యాన్ని వ్య‌క్తం చేసారు అనురాగ్ ఠాకూర్.

కంటెంట్ నియంత్రణ.. ఓటీటీ వినియోగదారు అనుభవం.. ఈ రంగంలో మొత్తం వృద్ధి.. ఆవిష్కరణలు సహా అనేక ఇతర అంశాలపై మంత్రి చర్చించారు. అయితే ప్రపంచవ్యాప్తంగా ప్రాంతీయ కంటెంట్ ను రూపొందించే ప్ర‌య‌త్నాన్ని కొత్త ప్రతిభను పెంపొందించే సామర్థ్యాన్ని ఆయ‌న‌ ప్రశంసించారు. OTTల ద్వారా బహిరంగంగా పాశ్చాత్య ప్రభావం .. భారతీయ మతాలు సంప్రదాయాలను చెడుగా చిత్రీకరించడంపై మంత్రి తన అసంతృప్తిని వ్యక్తం చేశారు. భారతదేశ సామూహిక మనస్సాక్షికి.. వైవిధ్యానికి వ్యతిరేకంగా OTT ప్లాట్ ఫారమ్ లు పని చేయకూడ‌దని ప్ర‌జ‌ల్లో పెరుగుతున్న‌ ఆందోళనలను పరిష్కరించడానికి పక్షం రోజుల్లో పరిష్కారాల నియ‌మావ‌ళిని ప్రతిపాదించాలని OTT ప్రతినిధులను ఆయన కోరారు. వయస్సు-ఆధారిత వర్గీకరణ తల్లిదండ్రులకు కీ ఇవ్వ‌డం..కంటెంట్ డిస్క్రిప్టర్ ల అమలుపై సమావేశంలో చర్చించారు.

ఫిర్యాదుల పరిష్కార యంత్రాంగాన్ని బలోపేతం చేయడం.. భారతదేశ మ్యాప్ చిత్రణకు సంబంధించిన ఆందోళనలను పరిష్కరించడం.. డిజిటల్ పైరసీని ఎదుర్కోవడం..OTT ప్లాట్ ఫారమ్ ల ద్వారా ఉల్లంఘనలకు శిక్షా నిబంధనలను ఏర్పాటు చేయడం వంటి వాటిపైనా స‌మావేశంలో చర్చించారు. సృజనాత్మక స్వేచ్ఛ - బాధ్యతాయుతమైన కంటెంట్ మధ్య సమతుల్యత కోసం స్క్రిప్ట్ లను సమీక్షించడానికి సంభావ్య ఉల్లంఘనలను గుర్తించడానికి .. కుటుంబ-ఆధారిత వినోదాన్ని ప్రోత్సహించడానికి OTT ప్లాట్ ఫారమ్ లను ఠాకూర్ ప్రోత్సహించారు.

ప్రభుత్వం- ఓటీటీ కంటెంట్ సృష్టికర్తల మధ్య సహకారం ద్వారా ప్రపంచవ్యాప్తంగా భారతీయ వారసత్వం.. విజయగాథలు.. జాతీయవాద కథనాలను ప్రోత్సహించడానికి ప్రభుత్వం నిబద్ధతను క‌లిగి ఉంద‌ని ఆయన అన్నారు. OTT ప్లాట్ ఫారమ్ ల కోసం చట్టాలు నిబంధనలను తేవాల్సిన‌ ప్రాముఖ్యతను మంత్రి ఈ సమావేశంలో నొక్కిచెప్పారు. ప్రస్తుతం ఉన్న చట్టాలను ఉల్లంఘించిన ఏదైనా OTT ప్లాట్ ఫారమ్ పర్యవసాన చర్యలను ఎదుర్కోవాల్సి రావచ్చని పేర్కొంటున్న IT నిబంధనలలోని రూల్ 9(2)ని ఆయన ప్రస్తావించారు.

ఐటి చట్టంలోని సెక్షన్ 45 గురించి ఆయన చాలా మాట్లాడారు. ఇది చట్టం ప్రకారం రూపొందించిన నియమాలు లేదా నిబంధనలను ఉల్లంఘించినందుకు జరిమానాలు లేదా పరిహారం గురించి మంత్రి మాట్లాడారు. OTT కంటెంట్ కు వ్యతిరేకంగా దావాల పరిష్కారాన్ని వేగవంతం చేయడానికి పరిశ్రమ నిపుణులు న్యాయ సభ్యులతో కూడిన పాక్షిక-న్యాయ సంస్థను ఏర్పాటు చేయాలని ఠాకూర్ ప్రతిపాదించారు.