టైటిల్ కోసం బెంగళూరు vs పంజాబ్: ఐపీఎల్ చరిత్రలో తొలిసారి!

ఐపీఎల్ అభిమానుల సుదీర్ఘ నిరీక్షణకు తెరపడింది. ఐపీఎల్ చరిత్రలోనే తొలిసారిగా ఇప్పటివరకు టైటిల్ గెలవని రెండు జట్లు ఫైనల్‌లో తలపడనున్నాయి. రాయల్ ఛాలెంజర్స్ బెంగళూరు (RCB) , పంజాబ్ కింగ్స్ (PBKS) జూన్ 3న అహ్మదాబాద్‌లోని ప్రతిష్టాత్మక నరేంద్ర మోదీ స్టేడియంలో బిగ్ ఫైట్ ఆడనున్నాయి.

ఈ మ్యాచ్ యొక్క ప్రత్యేకత ఏమిటంటే.. ఇది ఖచ్చితంగా ఒక సరికొత్త ఐపీఎల్ ఛాంపియన్‌ను అందించబోతోంది. అంటే ఈసారి ఏ జట్టు గెలిచినా, అది వారి మొట్టమొదటి ఐపీఎల్ టైటిల్ అవుతుంది. సంవత్సరాలుగా టైటిల్ కోసం ఎదురుచూస్తున్న రెండు జట్లకు ఇది ఒక స్వర్ణావకాశం. ఈ క్షణం అభిమానులకు అత్యంత ఆనందదాయకం.

విరాట్ కోహ్లీ నాయకత్వంలో అనేక సార్లు దగ్గరికొచ్చినా RCB టైటిల్ అందుకోలేకపోయింది. అదేవిధంగా పంజాబ్ కింగ్స్ కూడా గతంలో ఫైనల్ వరకు వెళ్ళింది కానీ విజయం వారికి దూరమైంది. అయితే ఈసారి ఈ రెండు జట్లలో ఒకటి ఖచ్చితంగా చరిత్ర సృష్టించబోతోంది.

ఈ అద్భుతమైన మ్యాచ్‌లో విజయం ఎవరిని వరిస్తుందో తెలియదు. కానీ గెలుపు, ఆ క్షణం, ఆ సంబరాలు.. అభిమానుల హృదయాల్లో శాశ్వతంగా నిలిచిపోతాయి.

సంవత్సరాల నిరీక్షణ తర్వాత, RCB గెలిస్తే కోహ్లీ అభిమానులకు ఇది అత్యంత సంతోషకరమైన క్షణం అవుతుంది. అదే పంజాబ్ గెలిస్తే, వారి కఠినమైన ప్రయాణం తర్వాత వచ్చిన ఈ విజయం అమితమైన ఆనందాన్ని కలిగిస్తుంది. ఇప్పుడు ప్రశ్న ఒకటే.. చరిత్రను లిఖించేది ఎవరు? బెంగళూరా? లేక పంజాబ్‌కా? జూన్ 3న వెలుగులోకి రానున్న ఈ జవాబు కోసం, కోట్లాది మంది క్రికెట్ అభిమానులు ఉత్కంఠగా ఎదురు చూస్తున్నారు.

తొలి క్వాలిఫైయర్ లో ఓడిన పంజాబ్.. ఎంతో బాగా పుంజుకుంది. కెప్టెన్ శ్రేయాస్ అయ్యర్ దగ్గరుండి మరీ టీంను గెలిపించడం ఎంతో శుభసూచికం. ఎంతో ధైర్యంగా నిన్న భీకర ముంబై బౌలర్లను కాచుకొని అతడు ఆడిన ఇన్నింగ్స్ పంజాబ్ కు గొప్ప బూస్ట్ లా పనిచేస్తోంది. ఇక ఆర్సీబీ కలిసికట్టుగా ఫైనల్ చేసింది. తొలి క్వాలిఫైయర్ లో పంజాబ్ ను ఓడించింది.

ఈ రెండు జట్ల మధ్య జరిగే ఫైనల్ అసలు సిసలు సమరంలా కనిపిస్తోంది. మరి ఇందులో గెలుపు ఎవరిదన్నది వేచిచూడాలి.