వాట్సాప్​ ఇక వదిలించుకోవాల్సిందేనా? కొత్త పాలసీలో ఉన్న చిక్కులేమిటి?

వాట్సాప్​ మన జీవితంలో భాగమైంది అనేకంటే.. వాట్సాప్​కు మనం బానిసలం అయ్యామంటే బాగుంటుందేమో. ఈ అప్లికేషన్​ మన జీవితంలో అంత మమేకం అయ్యింది. పర్సనల్​గా, ప్రొఫెషనల్​గా వాట్సాప్​ అనుక్షణం మనలను అంటిపెట్టుకొనే ఉంటుంది. వాట్సాప్​ చూడనిదే మనకు డే స్టార్ట్​ కాదు. అదేవిధంగా మనం పడుకోబోయే ముందు చివరిసారిగా చూసేది కూడా వాట్సాప్​ అంటే అతిశయోక్తి కాదేమో. అయితే ఈ అప్లికేషన్​ను చాలా ఏళ్ల క్రితమే ఫేస్​బుక్​ కొనుగోలు చేసిందన్న విషయం తెలిసిందే. అయితే వాట్సాప్​ తీసుకొచ్చిన కొన్ని కొత్త నిబంధనలను ఇప్పుడు యూజర్లకు చిక్కులు తెస్తున్నాయి.

అయితే ఈ ఏడాది ఫిబ్రవరి నుంచి వాట్సాప్​ కొన్ని ప్రత్యేక నిబంధనలు అమల్లోకి తీసుకొస్తున్నది. ఆ నిబంధనలకు మనం ఓకే చెబితేనే వాట్సాప్​ ఉపయోగించుకొనే అవకాశం ఉంటుంది. లేదంటే మనం అకౌంట్​ను డిలిట్​ చేసుకోవాల్సి ఉంటుంది. ఇంతకీ ఆ కొత్త నిబంధనలో ఏముందంటే.. ఫిబ్రవరి 8 నుంచి వాట్సాప్​లో వచ్చే సమాచారాన్ని ఫేస్​బుక్​ కూడా ఉపయోగించుకుంటుంది. ఇందుకు మనం అంగీకరిస్తేనే వాట్సాప్​ మన మొబైల్​లో ఉంటుంది. లేదంటే వాట్సాప్​ డిలిట్​ అయిపోతుంది. అయితే ప్రస్తుతం చాలా మంది యూజర్లు ఈ కొత్త నిబంధననను తీవ్రంగా వ్యతిరేకిస్తున్నారు. అలా చేస్తే తమ ప్రైవసీకి భంగం కలుగుతుందని యూజర్లు అభిప్రాయపడుతున్నారు.

ఫిబ్రవరి ఎనిమిది నుంచి ఫేస్​బుక్ ఇతర మూడోపార్టీ సర్వీస్​ ప్రొవైడర్లు, సాంకేతిక సదుపాయాలు, డెలివరీ తదితర సిస్టమ్స్‌, సర్వీసులకు మార్కెటింగ్‌, సర్వేల నిర్వహణ, పరిశోధన, పరిరక్షణ, భద్రత, యూజర్ల ఇంటెగ్రిటీ, కస్టమర్లకు సహకరించే విధానాన్ని ఫేస్​బుక్​ షేర్​ చేసుకుంటుంది. వాట్సాప్​ తీసుకొచ్చిన ఈ కొత్త విధానాన్ని చాలామంది వ్యతిరేకిస్తున్నారు. తాము టెలిగ్రామ్​, లేదా సిగ్నల్​ యాప్​ను డౌన్​లోడ్​ చేసుకుంటామని చెబుతున్నారు. ప్రస్తుతం సోషల్​మీడియాలో ఈ అంశం ట్రెండింగ్​లో ఉంది.