ఏంటి భయ్యా ఇదీ..! ఐపీఎల్లో ప్లాప్..ఇప్పుడేమో దుమ్మురేపుతున్నారు..!

కోట్ల రూపాయలు పెట్టి కొనుగోలు చేసిన కొందరు ఆటగాళ్లు ఐపీఎల్​లో తేలిపోయారు. పంజాబ్​ తరపున ఆడిన మ్యాక్స్​వెల్​, ఆర్​సీబీ నుంచి ఆడిన పించ్​ ఐపీఎల్​ 2020లో పేలవ ప్రదర్శన చూపించారు. కానీ వీళ్లు తమ సొంత దేశం తరఫున మాత్రం బాగా ఆడుతుండటం ఆశ్చర్యం కలిగిస్తున్నది. ఇండియా .. ఆస్ట్రేలియా మధ్య జరిగిన తొలి వన్డేలో ఇండియా ఓడిపోయిన సంగతి తెలిసిందే. అయితే ఈ మ్యాచ్​లో పించ్​ 114 పరుగులు చేశాడు. మ్యాక్స్​వెల్​ కేవలం 19 బంతుల్లోనే 45 పరుగులు సాధించాడు. వీళ్లిద్దరూ ఐపీఎల్​లో సరిగ్గా ఆడలేదు. దీంతో వీళ్లకు సోషల్​మీడియాలో పంచ్​లు వేస్తున్నారు అభిమానులు.ఏంటి భయ్యా ఇదీ..! అప్పుడేమే ఫామ్​లో లేరు అన్నారు. సొంతదేశం అనగానే దుమ్మురేపుతున్నారు. అంటూ కామెంట్లు పెడుతున్నారు.

ఐపీఎల్​ 2020లో మ్యాక్స్​వెల్​ దారుణంగా విఫలమయ్యాడు. ఒక్కటంటే ఒక్కమ్యాచ్​ కూడా సరిగా ఆడలేదు. మొత్తం సీరిస్​లో ఒక్క సిక్స్​ కూడా కట్టలేదు. కానీ ఇటీవల భారత్​తో జరిగిన మ్యాచ్​లో కేవలం 19 బంతుల్లోనే 45 పరుగులు సాధించి జట్టు విజయంలో తోడ్పడ్డాడు. ఐపీఎల్​ లో తాను సరిగ్గా ఆడనందుకు ఆ జట్టు కెప్టెన్​ కేఎల్​ రాహుల్​కు సారీ చెప్పానని మ్యాక్స్​వెల్​ అనడం గమనార్హం. మరోవైపు ఆర్​సీబీ తరఫున ఓపెనర్​గా వచ్చిన పించ్​ ఈ సారి ఐపీఎల్​ లో పెద్దగా రాణించలేదు. కానీ భారత్​ తో జరిగిన అంతర్జాతీయ మ్యాచ్​లో మాత్రం చెలరేగి పోయాడు. 114 పరుగులు సాధించాడు.

మరోవైపు కింగ్స్​ ఎలెవన్​ పంజాబ్ తరఫున ఆడిన వెస్టిండీస్​ ఆటగాడు జిమ్మీ నీషమ్ కూడా శుక్రవారం న్యూజిలాండ్ తరఫున చెలరేగాడు. 24 బంతుల్లోనే 48 పరుగులు చేసి జట్టును గెలిపించాడు. ఐపీఎల్‌లో ఫెయిలైన ఆటగాళ్లు జాతీయ జట్ల తరఫున ఇలా చెలరేగిపోవడంపై సోషల్ మీడియాలో బోలెడన్ని మీమ్స్ వస్తున్నాయి. దీంతో సోషల్​మీడియాలో పెద్ద ఎత్తున ట్రోలింగ్​ చేస్తున్నారు అభిమానులు. ఐపీఎల్​ లో కోట్లు కోట్లు పెట్టి కొనుగోలు చేస్తే ఆడలేదు. ఇప్పుడు సొంతదేశం తరపున అనగానే పూనకాలు వచ్చాయా? అని ప్రశ్నిస్తున్నారు.