ట్విట్టర్​పై నల్లజాతీయుల ఆగ్రహం.. కారణం ఏమిటంటే..

సమాజంలో మనకు అడగడుగునా తారసపడే జాతి వివక్ష, వర్ణవివక్ష, కుల వివక్ష ఇప్పడు సమాజిక మాధ్యమాలకు పాకిందనే విషయం తెలిసందే. అయితే ప్రముఖ సోషల్​ నెట్​వర్కింగ్​ సంస్థ ట్విట్టర్​ కూడా ఈ వివక్షను చూపుతుందట. ట్విట్టర్​ కేవలం తెల్లజాతి వాళ్ల ఫొటోలను మాత్రమే కనిపించేలా చేసి.. నల్లజాతి వాళ్లను పక్కన పెడుతున్నదని ప్రస్తుతం నెటిజన్లు మండిపడుతున్నారు. ఇందుకు కారణమేమిటి.. ఈ తరహా విమర్శలు ఎందుకొస్తున్నాయో తెలుసుకుందాం.. సాధారణంగా మనం ఫేస్​బుక్, ట్విట్టర్​, ఇన్​స్టా, వాట్సాప్​ వంటి సోషల్​ సైట్లలో ఫొటోలు అప్​లోడ్​ చేయాలంటే సదరు సైట్లు మనఫొటోలను క్రాప్​ చేసి తీసుకుంటాయి. మనం అప్​లోడ్​ చేసే ఫొటోలు రకరకాల సైజులు, రకరకాల ప్రపోర్షన్లలో ఉంటాయి.

అయితే ఆయా ఫొటోలను సదరు సోషల్​ నెట్​వర్కింగ్​ సంస్థలు అవసరం ఉన్నమేరకు క్రాప్​చేసి పెడతాయి. అందుకోసం ఆయా సోషల్​నెట్​వర్క్​ సంస్థలు ప్రత్యేకంగా కొన్ని సాఫ్ట్​వేర్లను యాప్​లను రూపొందించుకుంటాయి. వాటినే స్మార్ట్​ క్రాపింగ్​ టూల్స్​ అంటారు. సాధారణంగా ఇటువంటి టూల్స్​ ఫొటోలోని మధ్యభాగాన్ని హైలెట్​ చేసి.. చుట్టుపక్కల ఉన్న భాగాల్ని తీసేస్తూ ఉంటాయి. ఇందుకోసం సోషల్​ సైట్​ ప్రత్యేకంగా డిజైన్​ చేసుకున్న కోడ్​ ఇంజన్​ మన ఫొటోను ఎలా క్రాప్​చేయాలో నిర్ణయిస్తుంది. ఇందుకోసం ముందుగానే ప్రొగ్రామింగ్​ను డిజైన్​ చేసి పెడతారు.

ఇలా ఫొటో క్రాప్​ చేసేటప్పుడు ఫొటోలోని ఏ భాగాన్ని ఉంచాలి.. ఓ భాగాన్ని తీసేయాలి అన్నది ఆ కోడ్​ ఇంజిన్​కు ఎలా తెలుస్తుంది. అంటే కోడ్​లోని ఆర్టిఫీషియల్​ ఇంటెలిజెన్స్​ ఈ పనిని పూర్తిచేస్తుంది. 2018లో ట్విట్టర్​ ఓ కొత్తతరహా క్రాపింగ్​ టూల్​ను ప్రవేశపెట్టింది. దీనిపేరు స్మార్ట్​క్రాపింగ్​ టూల్. అయితే ఇప్పడు ఈ స్మార్ట్​ క్రాపింగ్​ టూల్​ పైనే ప్రధాన విమర్శలు వెల్లువెతుతున్నాయి.

ఈ టూల్​ కేవలం తెల్లగా ఉన్నవాళ్లను మాత్రమే చూపించి.. నల్లజాతి వాళ్లను వదిలేస్తుందట. ఇందుకు ఓ ఉదాహరణ ఏమిటంటే.. అమెరికన్​ పొలిటీషియన్​ మిచ్​ మెక్​ కానల్​ తెల్లగా ఉంటారు. ఆయన బొమ్మను మాజీ అధ్యక్షుడు ఒబామాతో కలిపి పెట్టారు. అయితే ఈ టూల్​ కేవలం మిచ్​ను ఉంచి ఒబామాను తీసేస్తోంది. దీంతో విమర్శలు వెల్లువెత్తాయి. పలువురు తెల్లజాతీయులు, నల్లజాతీయుల ఫొటోలను ఉంచినప్పుడు కేవలం తెల్లవాళ్ల ఫొటోలను మాత్రమే ట్విట్టర్​ ఉంచుతుందోట. దీంతో ఇంటర్నెట్​లో విమర్శలు వెల్లువెత్తాయి. దీంతో ట్విట్టర్​ దిద్దుబాటు చర్యలకు దిగింది. టూల్​ మొత్తాన్ని మార్చివేస్తున్నట్టు సమాచారం.