అగ్రదేశాల ఫైట్​.. వేదిక: అంగారక గ్రహం

అంగారకుడిపై జీవం ఉందనే విషయంపై కొంతకాలంగా పరిశోధనలు సాగుతున్న విషయం తెలిసిందే. అయితే అంగారక గ్రహంపై ఇప్పటికే పలు దేశాలు పరిశోధనలు సాగిస్తాయి. అమెరికా, చైనా, యునైటెడ్​ అరబ్​ ఎమిరేట్స్​ (యూఏఈ) అంగారక గ్రహంపై ఆధిపత్యం చెలాయించాలని చూస్తున్నాయి. అంగారకుడిపై జీవరాశి ఉండేందుకు అవకాశం ఉందా? తదితర కారణాలను తెలుసుకొనేందుకు ఈ మూడు దేశాలు పరిశోధనలు కొనసాగిస్తున్నాయి. గతంలోనే పరిశోధనలు మొదలు పెట్టాయి కూడా ఈ మూడు దేశాలు ప్రయోగించిన స్పేస్‌క్రాఫ్ట్స్ త్వరలో అక్కడ లాండ్​ కాబోతున్నాయి.


నాసా పంపించిన ఓ మినీ హెలికాప్టర్ ఇప్పటికే అంగారకుడిపైకి వెళ్లింది. ఈ హెలికాప్టర్​ అంగారక గ్రహం ఉపరితలంపై తవ్వకాలు జరుపనున్నది. దీని కోసం నాసా శాస్త్రవేత్తలు ప్రత్యేకంగా ఓ రోబో హ్యాండ్‌ను దీనికి అమర్చారు. 1800 గ్రాముల బరువులో హెలికాప్టర్‌ను పోలి ఉన్న ఈ ల్యాండ్ రోవర్‌ను ఐఐటీ-మద్రాస్ ఆలమ్నీ బాబ్ బలరాం రూపొందించారు. అయితే ఈ పరికరం అక్కడి మట్టిని, రాళ్లను సేకరించనున్నది.

మరోవైపు యూఏఈకూడా హోప్ రోవర్ అంగారక గ్రహం కక్ష్యలోకి వెళ్లిపోయింది. అది ఫొటోలను కూడా పంపించింది. హోప్ పేరుతో ఎమిరేట్స్ పంపించిన ఈ స్పేస్ క్రాఫ్ట్ తీసిన తొలి ఫొటోను ఎమిరేట్స్ శాస్త్రవేత్తలు విడుదల చేశారు. ఇప్పటిదాకా వెలుగులోకి రాని అంగారకుడి సరికొత్త రూపాన్ని హోప్ స్పేస్‌క్రాఫ్ట్ చిత్రీకరించింది.


చైనా కూడా తియాన్వెన్-1 స్పేస్ క్రాఫ్ట్ వారం రోజుల కిందటే అంగారకుడి కక్ష్యలోకి ప్రవేశించింది. అయితే ఇది కూడా అంగారకుడిపై ఫొటోలను తీయనుంది. మూడు అగ్రదేశాలు దాదాపుగా ఒకేసారి అంగారక గ్రహంపై దృష్టి కేంద్రీకరించడం ఆసక్తికరంగా మారింది. ఈ మూడు దేశాల ప్రయోగాలు సక్సెస్​ అయితే అంగారకుడిపై మనుషులు నివసించేందుకు అవకాశం ఉందా? అక్కడ నీరు ఉన్నమాట వాస్తవమేనా తదితర విషయాలపై మరింత క్లారిటీ రానున్నది.