గిఫ్ట్​ చూసి అదిరి పోయిన పెళ్లికొడుకు.. !

పెళ్లిళ్లలో గిఫ్ట్​లు ఇవ్వడం ఎంతో కామన్​. అయితే కొంతమంది ప్రత్యేకతను చాటుకొనేందుకు వెరైటీ గిఫ్ట్​లు ఇస్తుంటారు. అయితే ఇక్కడ మాత్రం ఓ మహిళ ఎవరూ ఊహించని గిఫ్ట్​ ఇచ్చింది. పెళ్లి కొడుకుకు ఓ రివాల్వర్​ను గిఫ్ట్​గా ఇచ్చింది. అది దీపావళి బొమ్మ తుపాకీ అనుకున్నారంతా.. కానీ పట్టుకొని చూస్తే అది నిజంగానే రివాల్వర్​. అది కూడా ఏకే 47. గిఫ్ట్​ను చూసిన పెళ్లికొడుకు షాక్​ అయ్యాడు. ఈ రివాల్వర్​తో ఎవరిని కాల్చమంటారు? అన్నట్టుగా అనుమానంగా చూశాడు.

అయితే చివరకు అదే రివాల్వర్​తో ఓ ఫొటోకు ఫోజు ఇచ్చాడు. ఆఫొటో ప్రస్తుతం వైరల్​గా మారింది. పాకిస్థాన్​లో జరిగిందీ ఘటన. అయితే ప్రస్తుతం ఇందుకు సంబంధించిన వీడియోలు, ఫొటోలు సోషల్​మీడియాలో తెగ వైరల్​ అవుతున్నాయి.

పాకిస్థాన్​లో‘కలాష్నికోవ్’ అనే సాంప్రదాయం ఉంది. ఈ ఆచారం ప్రకారం అత్తగారు.. కొత్త అల్లుడిగి ఏదో ఒక మారణాయుధం గిఫ్ట్​గా ఇవ్వాలట. అందులో భాగంగానే ఈ గిఫ్ట్​ ఇచ్చిఉంటారని సమాచారం.

ఏం మర్యాదో ఏమో… ఇలా మారణాయుధాలను బహుమతిగా ఇస్తారా అంటూ నెటిజన్లు విస్తుపోతున్నారు.

‘మారణాయుధాలను గిఫ్ట్​లుగా ఇచ్చి ఈ సభ్యసమాజానికి ఏం మెసెజ్​ ఇద్దామనుకుంటున్నారు’ అంటూ కొందరు ఫన్నీగా మీమ్స్​ తయారు చేసి పోస్ట్ లు పెడుతున్నారు. ‘గిఫ్ట్​ పెళ్లికూతురికి ఇవ్వాల్సింది.. అత్తామామలు, మొగుడు ఏమన్నా తేడాగా ప్రవర్తిస్తే ఉపయోగపడేది’ అంటూ మరికొంతమంది కామెంట్లు పెడుతున్నారు. ఏది ఏమైనా ఏకే 47 ఉండటమే నేరము. అది గిఫ్ట్​గా ఇవ్వడమూ నేరమే. కాబట్టి పాకిస్థాన్​ అధికారులు ఈ ఘటనపై ఏదైనా చర్యలు తీసుకుంటారా? లేక చూసిచూడనట్టు వదిలేస్తారా? అన్నది వేచి చూడాలి.