Begin typing your search above and press return to search.
అమెరికాలో టిక్టాక్ బ్యాన్.. ట్రంప్ సంచలన వ్యాఖ్యలు
By: Tupaki Desk | 1 Aug 2020 2:20 PM IST
గాల్వానా లోయ ఘటన జరిగిన తరువాత భారత్ , చైనా పై ప్రతీకారంలో భాగంగా డిజిటల్ స్ట్రైక్ కి దిగి చైనా కి చెందిన 59 యాప్స్ ను పూర్తిగా నిషేధించింది. ఆ తరువాత తాజాగా మరి కొన్ని యాప్స్ పై కూడా నిషేధం విధించారు. అయితే , భారత్ తీసుకున్న నిర్ణయం సరైందే అంటూ అమెరికా కూడా భారత్ బాటలో నడుస్తుంది. ముఖ్యంగా అతి తక్కువ సమయంలోనే ప్రపంచ వ్యాప్తంగా పాపులారిటీ సంపాదించుకున్న టిక్ టాక్ ను నిషేధించే యోచనలో ఉంది. జాతీయ భద్రతా కారణాల దృష్ట్యా చైనాకు చెందిన ప్రముఖ వీడియో షేరింగ్ యాప్ టిక్ టాక్ పై నిషేధం విధించే దిశగా తన యంత్రాంగం పరిశీలన చేస్తోందని అమెరికా అధ్యక్షుడు డొనాల్డ్ ట్రంప్ తెలిపారు.
అలాగే, టిక్ టాక్ ను నిషేధించాల్సి వస్తే అందుకు ప్రత్యామ్నాయాన్ని కూడా కనుగొనే ప్రయత్నాల్లో ఉన్నట్లు వెల్లడించారు. కాగా టిక్ టాక్ యూఎస్ కార్యకలాపాల నిర్వహణ బాధ్యతలు, హక్కులు సొంతం చేసుకునేందుకు దాని మాతృ సంస్థ బైట్ డాన్స్ తో, అమెరికా సాఫ్ట్ వేర్ దిగ్గజం మైక్రోసాఫ్ట్ చర్చలు జరుపుతున్నట్లు వార్తలు వెలువడుతున్న క్రమంలో ట్రంప్ వ్యాఖ్యలకు ప్రాధాన్యత సంతరించుకుంది. దీనిపై మైక్రోసాఫ్ట్ స్పందించలేదు. ఇక టిక్ టాక్ మాత్రం.. మేము అసత్య వార్తలు, ఊహాగానాలపై ఎలాంటి వ్యాఖ్యలు చేయము. మాకు టిక్ టాక్ దీర్ఘకాలిక విజయంపై నమ్మకం ఉంది అని తెలిపింది. కాగా గతకొన్ని రోజులుగా అమెరికా- చైనాల మధ్య వాణిజ్య యుద్ధం రోజురోజుకీ తీవ్రతరమవుతున్న విషయం తెలిసిందే.
ఇలాంటి తరుణంలో మైక్రోసాఫ్ట్ టిక్ టాక్ ను సొంతం చేసుకునే ఆలోచనలో ఉందంటూ వాల్ స్ట్రీట్ జర్నల్ కథనం ప్రచురించింది. ఇందుకు సంబంధించిన చర్చలు సోమవారం ఓ కొలిక్కి వచ్చే అవకాశం ఉందని, బిలియన్ డాలర్లతో కూడిన ఒప్పందం గురించి మైక్రోసాఫ్ట్ శ్వేతసౌధం తో కూడా సంప్రదింపులు జరిపినట్లు తెలపడం.. బిజినెస్ వర్గాల్లో తీవ్ర చర్చకు దారితీసింది. కాగా యూఎస్ జాతీయ-భద్రతా అధికారులు మ్యూజికల్.లై కొనుగోలును సమీక్షిస్తున్నారన్న విషయం తెలిసిందే. టిక్ టాక్ ను నిషేధించడాన్ని అమెరికా పరిశీలిస్తోందని విదేశాంగ కార్యదర్శి మైక్ పాంపియో జూలై నెల ప్రారంభంలో చెప్పిన సంగతి తెలిసిందే
అలాగే, టిక్ టాక్ ను నిషేధించాల్సి వస్తే అందుకు ప్రత్యామ్నాయాన్ని కూడా కనుగొనే ప్రయత్నాల్లో ఉన్నట్లు వెల్లడించారు. కాగా టిక్ టాక్ యూఎస్ కార్యకలాపాల నిర్వహణ బాధ్యతలు, హక్కులు సొంతం చేసుకునేందుకు దాని మాతృ సంస్థ బైట్ డాన్స్ తో, అమెరికా సాఫ్ట్ వేర్ దిగ్గజం మైక్రోసాఫ్ట్ చర్చలు జరుపుతున్నట్లు వార్తలు వెలువడుతున్న క్రమంలో ట్రంప్ వ్యాఖ్యలకు ప్రాధాన్యత సంతరించుకుంది. దీనిపై మైక్రోసాఫ్ట్ స్పందించలేదు. ఇక టిక్ టాక్ మాత్రం.. మేము అసత్య వార్తలు, ఊహాగానాలపై ఎలాంటి వ్యాఖ్యలు చేయము. మాకు టిక్ టాక్ దీర్ఘకాలిక విజయంపై నమ్మకం ఉంది అని తెలిపింది. కాగా గతకొన్ని రోజులుగా అమెరికా- చైనాల మధ్య వాణిజ్య యుద్ధం రోజురోజుకీ తీవ్రతరమవుతున్న విషయం తెలిసిందే.
ఇలాంటి తరుణంలో మైక్రోసాఫ్ట్ టిక్ టాక్ ను సొంతం చేసుకునే ఆలోచనలో ఉందంటూ వాల్ స్ట్రీట్ జర్నల్ కథనం ప్రచురించింది. ఇందుకు సంబంధించిన చర్చలు సోమవారం ఓ కొలిక్కి వచ్చే అవకాశం ఉందని, బిలియన్ డాలర్లతో కూడిన ఒప్పందం గురించి మైక్రోసాఫ్ట్ శ్వేతసౌధం తో కూడా సంప్రదింపులు జరిపినట్లు తెలపడం.. బిజినెస్ వర్గాల్లో తీవ్ర చర్చకు దారితీసింది. కాగా యూఎస్ జాతీయ-భద్రతా అధికారులు మ్యూజికల్.లై కొనుగోలును సమీక్షిస్తున్నారన్న విషయం తెలిసిందే. టిక్ టాక్ ను నిషేధించడాన్ని అమెరికా పరిశీలిస్తోందని విదేశాంగ కార్యదర్శి మైక్ పాంపియో జూలై నెల ప్రారంభంలో చెప్పిన సంగతి తెలిసిందే