లాక్ డౌన్ పరిస్థితికి ఈ ఫొటో పర్ ఫెక్ట్ ఉదాహరణ

దేశంలోనే ప్రముఖ పారిశ్రామికవేత్త, మహీంద్రా గ్రూప్ చైర్మన్ ఆనంద్ మహీంద్ర సామాజిక, స్ఫూర్తిదాయక అంశాలపై ట్వీట్లు చేస్తూ అందరిలోనూ కనువిప్పు కలిగిస్తుంటారు. ఆయన ట్వీట్లు ఆసక్తి రేపుతుంటాయి. ఏదో ఒక అంశంపై ఆయన వైరల్ చేస్తుంటారు.

తాజాగా ఆనంద్ మహీంద్ర చేసిన ఓ ట్వీట్ వైరల్ అయ్యింది. మహీంద్రా స్కార్పియో వాహన యజమాని దాన్ని గొలుసుతో చెట్టుకు కట్టాడు. ఆ ఫొటోను ఆనంద్ మహీంద్ర షేర్ చేసి ఆసక్తికర కామెంట్ చేశాడు.

ట్విట్టర్ లో ఆనంద్ మహీంద్ర ఆ ఫొటోను షేర్ చేసి.. ‘లాక్ డౌన్ లో పరిస్థితి కూడా అలాగే ఉందనే అర్థం వచ్చేలా’ ఆయన కామెంట్ చేశాడు. దీనికి నెటిజన్లు జోరుగా స్పందించి వివిధ రకాలైన ఫన్నీ కామెంట్లు చేశారు. టెక్నాలజీ కంటే గొలుసునే బెటర్ అనుకున్నాడు ఆ ఓనర్ అంటూ ఎద్దేవా చేశారు.

‘‘స్కార్పియో వాహనానికి అత్యాధునిక లాకింగ్ సిస్టమ్ ఉన్నప్పటికీ దాన్ని గొలుసులతో కట్టేయడమనేది యజమాని స్వాధీనతను తెలియజేస్తుంది. ఈ లాక్ డౌన్ లో నేనూ ఎలా ఉన్నాననే విషయాన్ని ఈ చిత్రం పర్ ఫెక్ట్ గా వివరిస్తుంది. ఈ వీకెండ్ లో నేను దాన్ని చేధించి బయటకు రాబోతున్నా’’ అని ఆనంద్ మహీంద్ర పోస్ట్ చేశారు. దీనికి నెటిజన్లు లైక్ లు, కామెంట్లతో హోరెత్తించారు.