Begin typing your search above and press return to search.
21 మంది ఎన్నారైల‌కు 20 ఏళ్ల జైలు శిక్ష!
By: Tupaki Desk | 23 July 2018 2:07 PM GMT
కాల్ సెంట‌ర్ల ముసుగులో అమెరిక‌న్ల‌కు కొంత‌మంది భార‌తీయులు కుచ్చు టోపీ పెట్టిన ఘ‌ట‌న తీవ్ర క‌ల‌క‌లం రేపిన సంగ‌తి తెలిసిందే. భారత్ లో కాల్ సెంటర్లను ఆప‌రేట్ చేస్తూ....ఇమ్మిగ్రేషన్ అధికార‌లమంటూ వందల కోట్ల డాలర్లను కొల్ల‌గొట్టిన వైనం వెలుగులోకి వ‌చ్చింది. ఆ నేరగాళ్ల గుట్టుర‌ట్టు కావ‌డంతో నిందితుల‌కు జైలుశిక్ష‌ఖ‌రారైంది. ఈ కాల్ సెంట‌ర్ రాకెట్ లో సూత్రధారులైన 21 మంది భార‌త సంత‌తి వ్య‌క్తుల‌కు 20ఏళ్ల జైలుశిక్ష ఖ‌రారు చేస్తూ అమెరికాలోని కోర్టు సంచ‌ల‌న తీర్పు వెలువ‌రించింది. దోషులుగా నిర్ధార‌ణ అయిన 21 మందికి వారి వారి నేరాల తీవ్ర‌త‌ను బ‌ట్టి 4 నుంచి 20 ఏళ్ల వరకు జైలుశిక్ష ప‌డింది. మరోవైపు, ఈ కాల్ సెంట‌ర్ స్కామ్ లో భాగ‌స్వాములైన 32 మంది భార‌తీయుల‌ను - 5 కాల్ సెంటర్లను కూడా కోర్టు దోషులుగా నిర్ధారించింది. త్వ‌ర‌లోనే ఆ 32 మందిని కోర్టు ముందు హాజరుపరుచాల్సి ఉంది.
అహ్మదాబాద్ కు చెందిన కొంద‌రు వ్య‌క్తులు నకిలీ కాల్ సెంటర్లు సృష్టించారు. 2012 నుంచి 2016 మధ్య కాలంలో తాము అమెరికన్ రెవెన్యూ అధికారులమని - ఇమ్మిగ్రేషన్ అధికారులమని చెప్పుకుంటూ...అమెరికాలోని వృద్ధులకు - కొంద‌రు వ్య‌క్తుల‌కు ఫోన్లు చేసేవారు. వారి స‌మాచారాన్ని ముందుగానే సేక‌రించేవారు. ఆ తర్వాత వారు ప్రభుత్వానికి భారీగా డబ్బు బాకీ ఉన్నారని, చెల్లించకపోతే జైలుకు వెళ్లాల్సి ఉంటుంద‌ని బెదిరించేవారు. దీంతో, ఆ అమెరిక‌న్లు ఎంతో కొంత డబ్బు చెల్లించేవారు. వారు చెల్లించిన డ‌బ్బును అమెరికాలో అక్రమ నగదు లావాదేవీలు జరిపేవారికి అకౌంట్ల‌లో జ‌మ చేయించేవారు. ఆ తర్వాత ఆ డ‌బ్బును వివిధ రూపాల్లో భారత్ కు పంపేలా అమెరికాలో కొంద‌రితో ఒప్పందాలు చేసుకునేవారు. ఈ ర‌కంగా కొన్ని వందల కోట్ల డాలర్లను కొల్లగొట్టారు. వీరి గుట్టుర‌ట్టు కావ‌డంతో అంద‌రూ క‌ట‌క‌టాల‌పాల‌య్యారు. శిక్షాకాలం పూర్తయిన తర్వాత వారిలో చాలామందిని భారత్ కు పంపుతామని అమెరికా అటార్నీ జనరల్ జెఫ్ సెషన్స్ చెప్పారు.
అహ్మదాబాద్ కు చెందిన కొంద‌రు వ్య‌క్తులు నకిలీ కాల్ సెంటర్లు సృష్టించారు. 2012 నుంచి 2016 మధ్య కాలంలో తాము అమెరికన్ రెవెన్యూ అధికారులమని - ఇమ్మిగ్రేషన్ అధికారులమని చెప్పుకుంటూ...అమెరికాలోని వృద్ధులకు - కొంద‌రు వ్య‌క్తుల‌కు ఫోన్లు చేసేవారు. వారి స‌మాచారాన్ని ముందుగానే సేక‌రించేవారు. ఆ తర్వాత వారు ప్రభుత్వానికి భారీగా డబ్బు బాకీ ఉన్నారని, చెల్లించకపోతే జైలుకు వెళ్లాల్సి ఉంటుంద‌ని బెదిరించేవారు. దీంతో, ఆ అమెరిక‌న్లు ఎంతో కొంత డబ్బు చెల్లించేవారు. వారు చెల్లించిన డ‌బ్బును అమెరికాలో అక్రమ నగదు లావాదేవీలు జరిపేవారికి అకౌంట్ల‌లో జ‌మ చేయించేవారు. ఆ తర్వాత ఆ డ‌బ్బును వివిధ రూపాల్లో భారత్ కు పంపేలా అమెరికాలో కొంద‌రితో ఒప్పందాలు చేసుకునేవారు. ఈ ర‌కంగా కొన్ని వందల కోట్ల డాలర్లను కొల్లగొట్టారు. వీరి గుట్టుర‌ట్టు కావ‌డంతో అంద‌రూ క‌ట‌క‌టాల‌పాల‌య్యారు. శిక్షాకాలం పూర్తయిన తర్వాత వారిలో చాలామందిని భారత్ కు పంపుతామని అమెరికా అటార్నీ జనరల్ జెఫ్ సెషన్స్ చెప్పారు.
