అమిత్ షా ట్విట్టర్ ఖాతా బ్లాక్ అవడానికి కారణం అదే!

గత గురువారం రాత్రి కేంద్ర హోంమంత్రి అమిత్ షా ట్విట్టర్ ఖాతా బ్లాక్ అయింది. ఇది సంచలనంగా మారింది. గురువారం రాత్రి అమిత్ షా ఖాతా నుంచి ప్రొఫైల్ చిత్రం మాయమై పోయింది. ఆయన ఖాతా ప్రొఫైల్ చిత్రం స్థానంలో ఈ చిత్రం కనబడటం లేదు అని రాసి ఉంది.సోషల్ మీడియా ప్లాట్ ఫామ్స్ ల దుర్వినియోగం నిరోధించడం, డిజిటల్ స్పేస్ లో మహిళల భద్రత ఎజెండాపై గురువారం ట్విట్టర్,ఫేస్ బుక్ భారత ప్రతినిధులు పార్లమెంటరీ కమిటీ ముందు హాజరయ్యారు.

ఈ సందర్భంగా పార్లమెంటరీ కమిటీ సభ్యులు హోంమంత్రి ట్విట్టర్ ఖాతాను ఎందుకు బ్లాక్ చేశారంటూ వారిని ప్రశ్నించారు. అమిత్ షా పోస్ట్ చేసిన ఓ చిత్రంపై కాపీ రైట్ ఉండటంతో నవంబర్లో ఆయన ఖాతాను తాత్కాలికంగా నిలిపినట్లు ట్విట్టర్ ప్రతినిధులు తెలిపారు. ఆ తరువాత బ్లాక్ చేసినట్లు వివరించారు. వెంటనే తమ నిర్ణయాన్ని మళ్లీ వెనక్కి తీసుకుంటామని ప్రస్తుతం ఆయన ఖాతా పూర్తిస్థాయిలో పని చేస్తుందని వారు వివరణ ఇచ్చారు.

ఆయన ప్రొఫైల్ చిత్రంపై తనకు కాపీరైట్లు ఉన్నట్లు ఓ వ్యక్తి ఫిర్యాదు చేసిన కారణంగా ఈ నిర్ణయం తీసుకోవాల్సి వచ్చిందని ట్విట్టర్ ప్రతినిధులు తెలిపారు. ఆ తర్వాత ఆయన ఖాతాను అన్ బ్లాక్ చేశామని వారు తెలిపారు. గ్లోబల్ కార్పొరేట్ విధానాల వల్ల అమిత్ షా ఖాతాను నిలిపి వేయాల్సి వచ్చిందని, ఆ తర్వాత వెంటనే తమ తప్పు సరిదిద్దు కున్నామని అధికార ప్రతినిధి తెలిపారు. కాగా అమిత్ షా ఖాతా స్తంభింప చేయడం పట్ల ట్విట్టర్ పై నెటిజన్లు విమర్శలు చేస్తున్నారు.