అసెంబ్లీ షెడ్యూల్ ఖ‌రారు..ఉత్కంఠ‌కు తెర‌

తెలంగాణలో కొన‌సాగుతున్న ఉత్కంఠ‌కు చెక్‌ప‌డింది. శాసనసభ సమావేశాలు షెడ్యూల్ ఖ‌రారైంది. జనవరి 17 నుంచి 20వ తేదీ వరకు నాలుగు రోజుల పాటు కొనసాగనున్నాయి. ఈ మేరకు ఇవాళ అసెంబ్లీ కార్యదర్శి, అధికారులతో సీఎం కేసీఆర్ సమావేశమై శాసనసభ సమావేశాల నిర్వహణపై చర్చించారు. జనవరి 16న సాయంత్రం 5 గంటలకు ప్రొటెం స్పీకర్ గా మజ్లిస్ ఎమ్మెల్యే ముంతాజ్ అహ్మద్ ఖాన్ ప్రమాణస్వీకారం చేయనున్నారు. గవర్న్జర్ నరసింహన్ ముంతాజ్ అహ్మద్ ఖాన్ తో ప్రమాణస్వీకారం చేయిస్తారు.

మరుసటి రోజు నుంచి శాసనసభ కార్యకలాపాలు ప్రారంభం కానున్నాయి. జనవరి 17న ఉదయం 11:30 గంటలకు అసెంబ్లీ సమావేశాలు ప్రోటెం స్పీకర్ అధ్యక్షతన ప్రారంభమవుతాయి. నూతనంగా ఎన్నికైన శాసనసభ సభ్యులు ప్రమాణస్వీకారం చేస్తారు. ఈ కార్యక్రమం సుమారు రెండుగంటలు కొనసాగుతుంది. ఆ తర్వాత జూబ్లీహాల్ ప్రాంగణంలోని కౌన్సిల్ లాన్స్ లో శాసనసభ సభ్యులకు లంచ్ ఉంటుంది.