భాగ్యనగరంలో ‘సుపారీ’ గ్యాంగ్​ ఎంట్రీ .. పోలీసులకు ముచ్చెమటలు

‘ఎవడిని చంపాలి.. ఎప్పుడు చంపాలి.. నాకు ఎంతిస్తావు’ ఇదేదో సినిమా డైలాగ్​ కాదు.. హైదరాబాద్​లోని ఓ సుపారీ ముఠా డీలింగ్​ చేసే స్టైల్​. ఈ మధ్య హైదరాబాద్​ లో సుపారీ గ్యాంగ్​ లు పెరిగిపోయాయి. చంపాలనుకున్న వ్యక్తితో వాళ్లకు ఏ సంబంధం ఉండదు.. శత్రుత్వం ఉండదు. కేవలం డబ్బుకోసం వాళ్లు చంపేస్తారు. కోర్టులు, పోలీసులు, శిక్షలు లాంటివి వాళ్లకు పట్టవు. మీరు డబ్బిస్తే ఎవరినైనా చంపేస్తారు. రీజన్స్​ వాళ్లకు అక్కర్లేదు. చంపేవాడి కోసం ఎంత రిస్క్​ తీసుకోవాలి.. అనే దాన్ని బట్టి వాళ్ల రేటు డిసైడ్​ చేస్తారు. హైదరాబాద్​ లో చంపేందుకు ఓ రేటు.. పల్లెటూర్ లో అయితే మరో రేట్​ ఫిక్స్​ చేస్తారు. కేవలం కిడ్నాప్​ చేసేందుకు రేటు.. హత్యాయత్నం బెదిరింపు వరకు ఇంకో రేటు ఇలా రేట్లు ఫిక్స్​చేసి మరి దందా కొనసాగిస్తున్నారు. ఇది వరకు ముంబై, కలకత్తా లాంటి నగరాలకే పరిమితమైన ఈ దందా హైదరాబాద్​ కు పాకింది.

10 లక్షల నుంచి కోట్ల వరకు..

ఈ సుపారీ గ్యాంగ్​ కల్చర్​ ఇప్పుడు హైదరాబాద్​ లో విచ్చల విడిగా పెరిగి పోయింది. ఓ వ్యక్తిని చంపేందుకు రూ. 10 లక్షల నుంచి కోట్ల వరకు డీల్స్ మాట్లాడుకుంటూ దందా కొనసాగిస్తున్నారు. ముఠాలోని ఓ సభ్యుడు దొరికినా వాళ్లు బయపడరు. వాడి ప్లేస్​లోకి ఇంకొకడు ఎంట్రీ ఇస్తుంటాడు. మర్డర్​ చేసే వాళ్లు బీహార్​, ఉత్తర్​ ప్రదేశ్​ నుంచి ఎక్కువగా వస్తున్నట్టు టాక్​. ముంబై మాఫియా తరహాలో హైదరాబాద్​ లోని ఈ కల్చర్​ పెరిగి పోయింది.

వెబ్​సైట్లలో ఫోన్​నంబర్లు..

ఈ సుపారీ గ్యాంగ్​ ఎంతకు బరితెగించందే.. వీళ్లను కాంటాక్ట్​ చేసేందుక కొన్ని డార్క్​ వెబ్ ​సైట్స్​, వాట్సాప్​ గ్రూప్​లు ఏర్పాటు చేసుకున్నారు. లోకల్​ రౌడీ షీటర్లతో సంబంధాలు పెట్టుకొని వాళ్ల ద్వారా పార్టీలను సంపాదించుకుంటారు. ఎవరన్న ఈ సుపారీ గ్యాంగ్​ను సంప్రదించాలంటే.. లోకల్​ రౌడీ షీటర్ల సహాయం తోనే వెళ్లుతున్నారని సమాచారం. ఇటీవల జరిగిన హేమంత్​ హత్య, రెండేళ్ల క్రితం జరిగిన ప్రణయ్​ హత్యలను ఈ సుపారీ గ్యాంగ్​లే చేయడం గమనార్హం.