వాన కోసం వింత ఆచారాలు : పెళ్లికాని స్త్రీలు నగ్నంగా పొలంలో .. !

వర్షం ... ఈ వర్షం ఎంతోమందికి జీవనాధారం. వర్షం పడకపోతే దేశానికీ అన్నం పెట్టె రైతన్నకే అన్నం దొరకడం కష్టం అవుతుంది. సిటీల్లో జీవించే వారు కేవలం చల్లగా ఉండటం కోసమే వర్షం పడాలని కోరుకుంటారు. పడినా , పాడకపోయినా పెద్దగా ఆలోచించరు. ఎందుకంటే వర్షం పడకపోతే సిటీల్లోని వారికి పెద్దగా కష్టమేమి కాదు. కానీ, పొలాన్నే నమ్ముకొని జీవితాన్ని సాగించే రైతుకి వర్షం తో చాలాపని ఉంటుంది. వర్షం పడితేనే జీవనం మొదలవుతుంది. నేల తడిస్తేనే గింజ నాటుకునే అవకాశం వస్తుంది. గింజ నాటితేనే పంట పండించే అవకాశం దొరుకుతుంది. అందుకే, వర్షం కోసం గ్రామీణ రైతులు ఆరాటంగా ఎదురుచూస్తారు. అయితే కొన్ని కొన్ని సార్లు వర్షాకాలం వచ్చి పోతున్నా కూడా వర్షాలు అటువైపు తొంగి కూడా చూడవు. దీనితో వర్షాలు పుష్కలంగా కురవాలని, వరుణ దేవుడు కరుణించాలని యజ్ఞాలు, యాగాలు చేయడం...కొన్ని చోట్ల కప్పలకు పెళ్లిళ్లు చేయడం, గ్రామదేవతకు బిందెలతో నీటిని తెచ్చి అభిషేకం చేసి చల్లబర్చడం ఇలా రకరకాల ఆచారాలు చూస్తుంటాం. ఇవే కాక ఇంకా ఎన్నో ఆచారాలు ఉన్నాయి. వాటిల్లో కొన్ని చిత్ర విచిత్రమైనవి కూడా ఉన్నాయి.

పలు చోట్ల పలు వింత ఆచారాలు అమలులో ఉన్నాయి. అలాంటి విచిత్ర ఆచారాల్లో కొన్నింటిని ఇప్పుడు చూద్దాం.

పెళ్లికాని యువతి నగ్నంగా పొలం దున్నడం : 1873-74లో గోరఖ్‌పూర్‌లో కరువు వచ్చింది. ఈ సమయంలో, పెళ్లికాని మహిళలు బట్టలు ధరించకుండా రాత్రి పొలంలో దున్నడం ప్రారంభించారు. ఈ ప్రక్రియలో పురుషులను పూర్తిగా దూరంగా ఉంచారు. పొలంలో దున్నుతున్న స్త్రీని ఎవరైనా చూస్తే, ఆమె భయంకరమైన పరిణామాలను ఎదుర్కోవలసి వస్తుందని రైతులు విశ్వసించారు. అదే ప్రచారం చేశారు. దీంతో మహిళలు మాత్రమే రాత్రివేళలో పొలానికి చేరుకొని నగ్నంగా నాగలి పట్టి పొలాలు దున్నేవారు. బీహార్, ఉత్తరప్రదేశ్, తమిళనాడులోని కొన్ని గ్రామీణ ప్రాంతాల్లో ఈ పద్ధతి ఇప్పటికీ కొనసాగుతోంది. భారీ వర్షం కురిసే వరకూ ఈ ప్రక్రియ కొనసాగిస్తారు.

కప్పల పెళ్లి.. వర్షం కోసం కప్ప-కప్ప వివాహం సాంప్రదాయకంగా అస్సాంలో జరిపేవారు. కానీ, ఇప్పుడు దీనిని ఉత్తర ప్రదేశ్, మధ్యప్రదేశ్, మహారాష్ట్ర, తమిళనాడు ప్రాంతాలలో కూడా పూర్తి ఆచారంతో జరుపుకుంటారు. 2019 లో దీనిపై చాలా చర్చ జరిగింది. ఇంకో విచిత్రమైన విషయం ఏమిటంటే కప్పలకు వర్షం కోసం ముందు వివాహం చేశారు. తరువాత వర్షాలు కురిశాయి. కానీ విడవకుండా వర్షాలు పడటం మొదలైంది. దీంతో ఈ పెళ్లి చేసిన కప్పలకు విడాకులు కూడా ఇప్పించి పండగ చేశారు ప్రజలు. ఇది ఉత్తర ప్రదేశ్ లో జరిగింది.

డ్రమ్స్ వాయించే పద్ధతి : పాండవులలో భీముడు మూడవ సోదరుడు. బస్తర్ లోని గోండ్ తెగ ప్రజలు భీముడిని తమ జానపద దేవతగా భావిస్తారు. స్థానిక నమ్మకం ప్రకారం, భీముడు తుంబాను ఆడేటప్పుడు, వర్షం కురిసింది. తుంబా అనేది ఒక రకమైన సంగీత వాయిద్యం. దీనిని గోండ్‌లోని భీమా అనే సంఘం ఆడుతుంది. గోండ్ తెగలో ఈ సంఘానికి ఎంతో గౌరవం ఉంది. వేడుకలలో వేరిని ప్రత్యేకంగా పిలుస్తారు. భీముడు తుంబా ఆడినప్పుడు వర్షం పడుతుందని నేటికీ ప్రజలు నమ్ముతారు. ఈ పద్ధతి ఛత్తీస్‌ గడ్ ‌లోని అనేక ప్రాంతాల్లో ప్రబలంగా ఉంది.

తెలంగాణలోని కొన్ని గ్రామాల్లో నివసించేవారు తమ ఇళ్లను వదిలి అడవిలో కొన్ని రోజులు గడుపుతారు. ప్రవాసం తీసుకోవడం ద్వారా దేవుడు సంతోషిస్తాడని, వర్షం పడుతుందని వారు నమ్ముతారు. ప్రజలను గాలిలో వేలాడదీయడం 1890 నుండి మదురైలో ఒక పద్ధతి. అయితే, మద్రాస్ ప్రభుత్వం రెండు దశాబ్దాల క్రితం ఈ పద్ధతిని నిషేధించింది. ఇందులో, ఒక బలమైన యువకుడిని 35-60 అడుగుల ఎత్తులో గాలిలో వేలాడదీస్తారు. దీనివలన వర్షం పడుతుందని ప్రజలు నమ్ముతారు. తమిళనాడులో నల్లాతంగల్ అనే జానపద పాట ఉంది. ఒక ప్రాంతం కరువుతో దెబ్బతిన్నప్పుడు ఈ పాటను వరుసగా 10 రాత్రులు పాడతారు. ఈ పాట సాహిత్యం మనసులను హత్తుకునేలా ఉంటుంది. ఈ పాటను విన్న దేవతల హృదయాలు కరిగి, వర్షం పడుతుందని చెబుతారు. స్పెయిన్ లోని టొమాటినా పండుగ లానే, జార్ఖండ్లో మట్టి పండుగ కూడా ఉంది. ఒరాన్ గిరిజనులు ఒకరిపై ఒకరు బురద విసురుకుంటారు. వారి శరీరం నుండి బురద మరియు మట్టిని కడగడానికి దేవత వర్షం పడుతుందని వారు నమ్ముతారు. కర్ణాటక, గుజరాత్ లోని కొన్ని దేవాలయాలలో, పండితులు నీటితో నిండిన కుండలలో కూర్చుని వేద శ్లోకాలను పఠిస్తారు. ఇది మంచి వర్షాలు కురిస్తుందని అలాగే, ఉష్ణోగ్రతను తగ్గిస్తుందని వారు నమ్ముతారు.ఇటువంటి పద్ధతులు భారతదేశానికి మాత్రమే పరిమితం కాదు. ఇతర దేశాల్లో కూడా ఉన్నాయి.