Begin typing your search above and press return to search.
ఉగ్రవాదిని అప్ప‌గిస్తే భార‌తీయుడిని ఉరితీయ‌బోం!
By: Tupaki Desk | 29 Sep 2017 7:37 AM GMT
పాకిస్థాన్ ఇప్పుడిప్పుడే కాస్త దారిలోకి వ‌స్తున్న‌ట్లుగా క‌నిపిస్తోంది. అంత‌ర్జాతీయ సంబంధాలు - దౌత్య‌రీతి వంటి వాటిల్లో కాస్త ప‌రిణ‌తిని క‌నిపిస్తుంద‌ని చెప్తున్నారు. ఇదంతా ఇప్పుడు పాక్ క‌ద‌లిక‌లు చూసి రాజ‌కీయవ‌ర్గాల్లో సాగుతున్న మాట. గూఢచారి ముద్ర వేసి ఉరిశిక్ష వేసిన భారత జాతీయుడు కుల్‌ భూషన్ జాదవ్ విష‌యంలో పాక్ ఆలోచన తీరు విష‌యంలో ఈ ప్ర‌స్తావ‌న చ‌ర్చ‌కు వ‌స్తోంది. అంత‌ర్జాతీయ దౌత్య‌రీతి ప్ర‌కారం దేశాల మధ్య ఖైదీల మార్పిడి అన్నది సాధారణమే. అయితే ఈ దౌత్య‌రీతిలో భారత జాతీయుడు కుల్‌ భూషన్ జాదవ్ ను పాకిస్థాన్ భారత్‌ కు అప్పగిస్తుందా అన్న చర్చ మొదలైంది. ఈ విషయాన్ని ఆ దేశ విదేశాంగ మంత్రి ఖవాజా ఆసిఫే చెప్పారు.
రెండేళ్ల కిందట పాకిస్థాన్ లో పెషావర్ సైనిక స్కూల్‌ పై ఉగ్రవాదులు దాడి చేసిన విషయం తెలిసిందే. ఈ దాడి సూత్రధారి అయిన తెహ్రికె తాలిబాన్ పాకిస్థాన్ చీఫ్ ముల్లా ఫజుల్లాను ఆఫ్ఘనిస్థాన్ పట్టుకుంది. ఆ ఉగ్రవాదిని మీకిచ్చేస్తాం.. కుల్‌ భూషణ్‌ ను మాకు వదిలేయండి అని ఆఫ్ఘనిస్థాన్ జాతీయ భద్రతా సలహాదారు ఓ ఆఫర్ ఇచ్చినట్లు ఖవాజా ఆసిఫ్ వెల్లడించారు. మొన్న న్యూయార్క్‌ లో జరిగిన ఏషియా సొసైటీ సమావేశంలో ఈ విషయాన్ని తెలిపారు. ఆఫ్ఘన్ ఎన్‌ ఎస్‌ ఏ ఎప్పుడు ఈ ఆఫర్ ఇచ్చారన్నది మాత్రం ఆయన చెప్పలేదు. అంతేకాదు ఈ ఆఫర్ కు పాకిస్థాన్ అంగీకరించిందా లేదా అన్నది కూడా ఆసిఫ్ వెల్లడించలేదు. అయితే ఇండియా - ఆఫ్ఘనిస్థాన్ మాత్రం ఆయన వ్యాఖ్యలని ఖండించాయి. ఖవాజా కావాలనే ఈ కామెంట్స్ చేసి ఉంటారని భారత విదేశాంగ అనుమానిస్తోంది.
మ‌రోవైపు ఇంకో రెచ్చ‌గొట్టే చ‌ర్య‌కు దిగింది. చైనాలో ఇటీవల నిర్వహించిన సంయుక్త సైనిక విన్యాసాల్లో భాగంగా మొట్టమొదటిసారిగా చైనా - పాకిస్తాన్ లకు చెందిన వైమానిక దళ పైలట్లు యుద్ధ విమానాలను నడిపారు. చైనా ఆర్మీ ప్రతినిధి కల్నల్ వు క్వియాన్ ఈ వీడియోను ప్రదర్శించడం ద్వారా తమ రెండు దేశాల మధ్య సంబంధాలు ఎంతగా బలమైనవో మరోసారి చాటిచెప్పారు. జింజియాన్ నగరంలో ఈ నెల 2వ తేదీనుంచి 25 దాకా ‘షహీన్-6’ పేరుతో జరిగిన ఈ సంయుక్త వైమానిక విన్యాసాల్లో ఎన్నో ప్రత్యేకతలున్నాయి. పాకిస్తాన్ - చైనా దేశాల సైన్యాల మధ్య ఉన్న సహకారాన్ని అన్నికాలాల్లో నిలిచి ఉండే సోదరభావం - అత్యున్నత స్థాయి పరస్పర సహకారం - మద్దతు - బలమైన వ్యూహాత్మక పరస్పర విశ్వాసంతో కూడుకొన్నదిగా ఆయన అభివర్ణించారు. అయిదేళ్ల క్రితం మొదలైన ఈ విన్యాసాల్లో మొట్టమొదటిసారిగా ఇరు దేశాల వైమానిక దళ పైలట్లు రాత్రి పూట యుద్ధ సన్నద్ధ శిక్షణా కార్యక్రమాలను నిర్వహించినట్లు వు తెలిపారు. అంతేకాదు ఇరు దేశాలకు చెందిన పైలట్లు కూడా ఒకే రకమైన విమానాలను నడిపారని ఆయన తెలిపారు.
రెండేళ్ల కిందట పాకిస్థాన్ లో పెషావర్ సైనిక స్కూల్‌ పై ఉగ్రవాదులు దాడి చేసిన విషయం తెలిసిందే. ఈ దాడి సూత్రధారి అయిన తెహ్రికె తాలిబాన్ పాకిస్థాన్ చీఫ్ ముల్లా ఫజుల్లాను ఆఫ్ఘనిస్థాన్ పట్టుకుంది. ఆ ఉగ్రవాదిని మీకిచ్చేస్తాం.. కుల్‌ భూషణ్‌ ను మాకు వదిలేయండి అని ఆఫ్ఘనిస్థాన్ జాతీయ భద్రతా సలహాదారు ఓ ఆఫర్ ఇచ్చినట్లు ఖవాజా ఆసిఫ్ వెల్లడించారు. మొన్న న్యూయార్క్‌ లో జరిగిన ఏషియా సొసైటీ సమావేశంలో ఈ విషయాన్ని తెలిపారు. ఆఫ్ఘన్ ఎన్‌ ఎస్‌ ఏ ఎప్పుడు ఈ ఆఫర్ ఇచ్చారన్నది మాత్రం ఆయన చెప్పలేదు. అంతేకాదు ఈ ఆఫర్ కు పాకిస్థాన్ అంగీకరించిందా లేదా అన్నది కూడా ఆసిఫ్ వెల్లడించలేదు. అయితే ఇండియా - ఆఫ్ఘనిస్థాన్ మాత్రం ఆయన వ్యాఖ్యలని ఖండించాయి. ఖవాజా కావాలనే ఈ కామెంట్స్ చేసి ఉంటారని భారత విదేశాంగ అనుమానిస్తోంది.
మ‌రోవైపు ఇంకో రెచ్చ‌గొట్టే చ‌ర్య‌కు దిగింది. చైనాలో ఇటీవల నిర్వహించిన సంయుక్త సైనిక విన్యాసాల్లో భాగంగా మొట్టమొదటిసారిగా చైనా - పాకిస్తాన్ లకు చెందిన వైమానిక దళ పైలట్లు యుద్ధ విమానాలను నడిపారు. చైనా ఆర్మీ ప్రతినిధి కల్నల్ వు క్వియాన్ ఈ వీడియోను ప్రదర్శించడం ద్వారా తమ రెండు దేశాల మధ్య సంబంధాలు ఎంతగా బలమైనవో మరోసారి చాటిచెప్పారు. జింజియాన్ నగరంలో ఈ నెల 2వ తేదీనుంచి 25 దాకా ‘షహీన్-6’ పేరుతో జరిగిన ఈ సంయుక్త వైమానిక విన్యాసాల్లో ఎన్నో ప్రత్యేకతలున్నాయి. పాకిస్తాన్ - చైనా దేశాల సైన్యాల మధ్య ఉన్న సహకారాన్ని అన్నికాలాల్లో నిలిచి ఉండే సోదరభావం - అత్యున్నత స్థాయి పరస్పర సహకారం - మద్దతు - బలమైన వ్యూహాత్మక పరస్పర విశ్వాసంతో కూడుకొన్నదిగా ఆయన అభివర్ణించారు. అయిదేళ్ల క్రితం మొదలైన ఈ విన్యాసాల్లో మొట్టమొదటిసారిగా ఇరు దేశాల వైమానిక దళ పైలట్లు రాత్రి పూట యుద్ధ సన్నద్ధ శిక్షణా కార్యక్రమాలను నిర్వహించినట్లు వు తెలిపారు. అంతేకాదు ఇరు దేశాలకు చెందిన పైలట్లు కూడా ఒకే రకమైన విమానాలను నడిపారని ఆయన తెలిపారు.
