Begin typing your search above and press return to search.
కెనడాలో కాల్పుల షాక్..ఉన్మాది సూసైడ్
By: Tupaki Desk | 23 July 2018 12:30 PM IST
కెనడాలో ఒక ఉన్మాది కారణంగా కలకలం రేగింది. బర్త్ డే పార్టీలో కాల్పుల జరిపిన ఉన్మాది అనంతరం తనను తాను కాల్చుకొని సూసైడ్ చేసుకున్నాడు. కెనడాలోని టొరంటోలో చోటు చేసుకున్న ఈ ఘటన ఇప్పుడు సంచలనంగా మారింది. స్థానికంగా ఉన్నగ్రీక్ టౌన్ లోని ఒక రెస్టారెంట్ లో జరిగిన బర్త్ డే వేడుకల వేళ గుర్తు తెలియని వ్యక్తి కాల్పులు జరిపాడు. ఉన్మాది దుశ్చర్యతో 9 మంది గాయాలపాలయ్యారు.
కెనడా కాలమానం ప్రకారం ఆదివారం రాత్రి 10 గంటల వేళలో ఈ దుర్మార్గం చోటు చేసుకుంది. కాల్పులు శబ్దాలు చోటు చేసుకోవటంతో పార్టీలోని వారంతా ఒక్కసారిగా ఉలిక్కిపడ్డారు. సమాచారం అందుకున్న పోలీసులు కాల్పులు చోటు చేసుకున్న ప్రాంతానికి చేరుకొని.. అదుపులోకి తీసుకునే ప్రయత్నం చేశారు.
అంతలోనే ఉన్మాది తనను తాను కాల్చుకొని మరణించాడు. ఈ ఘటనలో మొత్తం 9 మంది గాయపడగా.. వారిలో ఒక చిన్నారి కూడా ఉందని తెలుస్తోంది. గాయపడిన వారిని చికిత్సకోసం ఆసుపత్రికి తరలించారు. గాయపడిన వారి పరిస్థితి ఎలా ఉందన్న దానిపై స్పష్టమైన సమాచారం రాలేదు. ఉన్మాదికి సంబంధించిన వివరాలు బయటకు రావాల్సి ఉంది.
కెనడా కాలమానం ప్రకారం ఆదివారం రాత్రి 10 గంటల వేళలో ఈ దుర్మార్గం చోటు చేసుకుంది. కాల్పులు శబ్దాలు చోటు చేసుకోవటంతో పార్టీలోని వారంతా ఒక్కసారిగా ఉలిక్కిపడ్డారు. సమాచారం అందుకున్న పోలీసులు కాల్పులు చోటు చేసుకున్న ప్రాంతానికి చేరుకొని.. అదుపులోకి తీసుకునే ప్రయత్నం చేశారు.
అంతలోనే ఉన్మాది తనను తాను కాల్చుకొని మరణించాడు. ఈ ఘటనలో మొత్తం 9 మంది గాయపడగా.. వారిలో ఒక చిన్నారి కూడా ఉందని తెలుస్తోంది. గాయపడిన వారిని చికిత్సకోసం ఆసుపత్రికి తరలించారు. గాయపడిన వారి పరిస్థితి ఎలా ఉందన్న దానిపై స్పష్టమైన సమాచారం రాలేదు. ఉన్మాదికి సంబంధించిన వివరాలు బయటకు రావాల్సి ఉంది.