అంబానీ అడ్రెస్ అడిగిన ఆ ఇద్దరు ఎవరంటే ?

రిలయన్స్ ఇండస్ట్రీస్ అధినేత, ప్రముఖ పారిశ్రామికవేత్త, ముఖేష్ అంబానీ కి మరోసారి ప్రమాదం పొంచి ఉందని ఆయన నివాసం అయిన ఆంటిలియా వద్ద పోలీసులు భద్రతను కట్టుదిట్టం చేసిన సంగతి తెలిసిందే. ముఖేష్ అంబానీ నివాసం ఆంటిలియాపై ఇద్దరు వ్యక్తులు ఆరా తీస్తున్నారనే సమాచారంతో ముంబై పోలీసులు భద్రతను కట్టుదిట్టం చేశారు. భవనం చుట్టూ ఉన్న సీసీటీవీ ఫుటేజీని కూడా తనిఖీ చేస్తున్నామని వెల్లడించారు. అయితే విచారణ అనంతరం తాజాగా పోలీసులు అంబానీ ఫ్యామిలీ కి ఎలాంటి ముప్పు లేదని వివరించారు. వారి ఇంటి వద్ద భద్రతను పెంచినట్లుగా వెల్లడించారు. ముఖేష్ అంబానీ నివాసం యాంటిలియా చిరునామా కోసం ఒక వ్యక్తి నుండి సమాచారం అందుకున్న ముంబై పోలీసులు సోమవారం యాంటిలియా సమీపంలో భద్రతను పెంచారు.

ఈ కేసులో ఇద్దరు అనుమానితుల్లో ఒకరిని పోలీసులు అదుపులోకి తీసుకున్నారు. పోలీసుల విచారణలో తాను గుజరాత్‌ కు చెందినవాడినని, ఇక్కడకు వాకింగ్‌ కు వచ్చానని యువకుడు తెలిపాడు. అతను యాంటిలియా చిరునామాను అడిగాడు కాబట్టి, అతను మిగిలిన పర్యాటక ప్రదేశాల మాదిరిగానే యాంటిలియాను చూడాలనుకున్నాడు. పోలీసుల ప్రాథమిక విచారణలో అనుమానాస్పదంగా ఏమీ కనిపించలేదని తేలింది. నిజానికి సోమవారం నాడు ముంబయిలోని ఓ ట్యాక్సీ డ్రైవర్ తనను ఇద్దరు యువకులు యాంటిలియా అడ్రస్ అడుగుతున్నారని పోలీసులకు సమాచారం అందించాడు. తన చేతిలో బ్యాగ్ కూడా ఉందని డ్రైవర్ పోలీసులకు చెప్పాడు.

ఆయన ఉర్దూలో మాట్లాడినట్లుగా తెలిపాడు. ఈ సమాచారం మేరకు పోలీసులు ఆపరేషన్ మొదలు పెట్టి, అంబానీ ఇంటిని చుట్టుముట్టి భద్రతను పెంచారు. సమాచారం ఇచ్చిన డ్రైవర్‌ ను వెంటనే పోలీస్ స్టేషన్‌ కు పిలిపించి అతని వాంగ్మూలాన్ని నమోదు చేశారు. అనంతరం ఈ అంశంపై విచారణ చేపట్టారు. నవీ ముంబై పోలీసులు అరెస్టు చేసిన వ్యక్తి గుజరాత్‌కు చెందిన వ్యక్తి. అతను వృత్తిరీత్యా గుజరాతీ టాక్సీ డ్రైవర్ అని కూడా వెల్లడించారు. అతను టూరిస్ట్ కారు నడుపుతున్నాడు. పోలీసుల విచారణలో అతడి నుంచి అనుమానాస్పదంగా ఏమీ కనిపించలేదని తేలింది. ప్రస్తుతం పోలీసుల విచారణలో ఈ వివరాలు వెల్లడయ్యాయి. యాంటిలియా భద్రత కూడా గతంలో ప్రశ్నార్థకమైంది. ఫిబ్రవరిలో ముఖేష్ అంబానీ ఇంటి వెలుపల పేలుడు పదార్థాలతో నిండిన కారును పోలీసులు గుర్తించిన సంగతి తెలిసిందే. కారులో లేఖతో కూడిన 20 జిలెటిన్ స్టిక్స్ లభ్యమయ్యాయి. ఆ లేఖలో ముఖేష్ అంబానీ ఆయన భార్య నీతా అంబానీలను బెదిరించారు. ఇది దేశ వ్యాప్తంగా పెద్ద సంచలనంగా మారింది.