అమెరికాలో మ‌ళ్లీ కాల్పులు..ప‌రిస్థితి విష‌మం

అమెరికాలో కాల్పుల బీభ‌త్సం కొన‌సాగుతోంది. తాజాగా మ‌రోమారు కాల్పుల ఘటన చోటుచేసుకుంది. ఈ ద‌ఫా కూడా నైట్ క్ల‌బ్‌ లోనే కావ‌డం గ‌మ‌నార్హం. ఒహియోలోని ఓ క్లబ్‌లో అర్థరాత్రి తర్వాత ఆదివారం తెల్లవారుజామున కాల్పులు సంభవించాయి. ఈ ఘటనలో తొమ్మిది మంది గాయపడ్డారు. వీరిలో ఇద్దరి పరిస్థితి విషమంగా ఉన్నట్టు అక్కడి పోలీసులు తెలిపారు.

ఈశాన్య కొలంబస్‌ లో ఆదివారం తెల్లవారుజామున తమకు కాల్పులకు సంబంధించి సమాచారం అందిందని స్థానిక పోలీసులు వెల్లడించారు. అక్కడికి వెళ్లి చూసేవరకు భయానక వాతావరణం కనిపించిందని, అనేకమందిపై షాక్ అయిన స్థితిలో ఉన్నార‌ని పోలీసులు చెప్పారు. కాల్పులు జరిపింది ఎవరనే విషయం ఇంకా తెలియరాలేదని, పోలీసులు దర్యాప్తు మొదలుపెట్టి నిందితులకోసం గాలిస్తున్నారని మరిన్ని వివరాలు రావాల్సి ఉందని వివరించారు.

Like Us on Facebook : https://www.facebook.com/Tupakidotcom/