తెలంగాణలో విస్తరిస్తున్న కొత్త వైరస్

తెలంగాణను సమస్యలు చుట్టుముడుతున్నాయి. ఓవైపు కరోనా.. మరోవైపు కుంభవృష్టిగా కురుస్తున్న వానలు ప్రజలను టెన్షన్ పెడుతున్న వేళ ఇప్పుడు తాజాగా కొత్త వైరస్ బయటపడడం ఆందోళనకు కారణమవుతోంది.

తెలంగాణలో ఇప్పుడు పశుసంపదను ఒక కొత్త వైరస్ అతలాకుతలం చేస్తోంది. ఈ కొత్త వైరస్ కారణంగా ఇప్పటికే 11 పశువులు చనిపోయాయి. మే-జూన్ నెలల్లో వనపర్తి జిల్లాలో విజృంభించిన ఈ వైరస్ ఇప్పుడు ఆదిలాబాద్ రైతాంగానికి నిద్రలేకుండా చేస్తోంది.

‘లంపీ స్కిన్’ అనే ఈ కొత్త వైరస్ పశువుల్లో వేగంగా వ్యాపిస్తోందని తేలింది. ముఖ్యంగా ఆవులు, ఎద్దులు, దూడలకు ఈ వైరస్ ఎక్కువగా సోకుతోంది.

ఈ వ్యాధి సోకిన పశువుల చర్మంపై బొబ్బలు, బొడిపెలు వస్తాయి. వ్యాధిని కనిపెట్టి చికిత్స అందిస్తే నయం చేయవచ్చని పశువైద్యులు చెబుతున్నారు. రూ.1500 వరకు ఖర్చు అవుతుందని తెలుపుతున్నారు.

కాగా ఈ వైరస్ మనుషులకు వ్యాపిస్తుందా? వ్యాపిస్తుందా ప్రమాదమా అన్న సంగతి నిగ్గుతేలాల్సి ఉంది.