పీపీఈ కిట్లతో నరకం అనుభవిస్తున్నాం.. మా బాధలు ఎవరికీ పట్టవా?

కరోనా సృష్టించిన కల్లోలంతో యావత్​ ప్రపంచమే అల్లకల్లోలంగా మారింది. అయితే ఎక్కువగా నష్టపోయింది మాత్రం కోవిడ్​ రోగులకు వైద్యం చేస్తున్న డాక్టర్లు, వైద్యసిబ్బందే. కరోనా వచ్చినప్పటి నుంచి వారు నిత్యం క్షోభ అనుభవిస్తున్నారు. రోజులో ఆరు నుంచి 8 గంటల పాటు వారు పీపీఈ కిట్​ ను ధరించాల్సి వస్తోంది. నిజానికి ఈ కిట్​ వేసుకోవడం చాలా ఇబ్బంది కరంగా ఉంటుంది. ఈ పీపీఈ కిట్​ తో సైడ్​ ఎఫెక్ట్స్​ కూడా వస్తున్నాయని వైద్యులు చెబుతున్నారు. ముంబైలో ‘కోవిడ్ వార్డుల్లో’ సేవలందిస్తున్న చాలా మంది డాక్టర్లకు సైడ్ ఎఫెక్ట్స్ వచ్చాయి. ఈ కిట్లు ధరించనప్పుడు ఊపిరి తీసుకో లేక పోతున్నామని వైద్యులు చెబుతున్నారు. ఒళ్లంతా చెమటలు పడుతున్నాయని.. నీళ్లు తాగే అవకాశం కూడా లేక డీహైడ్రేషన్ ​కు లోనవుతున్నామని వారు చెబుతున్నారు.

ముంబైకి చెందిన ఓ డాక్టర్​ ఏమన్నారంటే.. ‘నేను గత మార్చి నుంచి ప్రతిరోజు పీపీఈ కిట్​ ధరించి కోవిడ్​ వార్డులో పనిచేశాను. ఇప్పుడు నేను తీవ్ర అనారోగ్యానికి గురయ్యాను. కిట్​ వేసుకున్నప్పుడు నాకు శ్వాస సరిగ్గా ఆడటం లేదు. ఒళ్లంతా చెమటలు పడుతున్నాయి. నేను బరువు తగ్గిపోయాను. చాలా బలహీనంగా మారాను’ అని చెప్పారా డాక్టర్​. ఇలా చాలా మంది పీపీఈ కిట్లతో ఇబ్బందులు పడుతున్నారు. ముంబైలో అనేకమంది పోలీసుల్లో పలువురు కోవిడ్ బారిన పడి మరణించగా.. డాక్టర్లు కూడా తమ ఆరోగ్యంపై శ్రద్ధ చూపలేకపోతున్నారు.