ఉద్యోగి చేత గుంజిళ్లు తీయించిన ప్ర‌జాప్ర‌తినిధి!

కొత్తగా ప‌వ‌ర్ చేతికి వ‌చ్చిన‌ప్పుడు ఇష్టం వ‌చ్చిన‌ట్లుగా వ్య‌వ‌హ‌రించే నేత‌లు కొంద‌రిని చూస్తుంటాం. నేత‌ల వ‌ర‌కూ ఎందుకు? ఊళ్ల‌ల్లో కొత్త‌గా ఎస్ ఐ వ‌చ్చిన‌ప్పుడు మొద‌టి వారం చెల‌రేగిపోవ‌టం.. వెనుకా ముందు కేసులు పెట్టేయ‌టం.. క‌నిపిస్తూ ఉంటుంది. మ‌రి.. అలాంటిది ఒక నేత.. దీనికి మించి చేసిన ప‌ని ఇప్పుడు హాట్ టాపిక్ గా మార‌ట‌మే కాదు.. విప‌రీత‌మైన క్రేజ్ వ‌చ్చేలా చేసింది.

ఇంత‌కీ ఇంత హ‌డావుడి చేసిన ఎమ్మెల్యే..ఎవ‌రు? ఎక్క‌డి వాడ‌న్న సంగ‌తి చూస్తే.. ఏపీలో జ‌రిగిన‌ట్లే ఒడిశాలోనూ అసెంబ్లీకి.. లోక్ స‌భ‌కు ఎన్నిక‌లు జ‌రిగాయి. ఒక యంగ్ ఎమ్మెల్యే అసెంబ్లీ ఎన్నిక‌ల్లో విజ‌యం సాధించారు. పాట్నా గ‌ఢ్ నియోజ‌క‌వ‌ర్గం నుంచి తొలిసారి ఎమ్మెల్యేగా ఎన్నికైన ఆయ‌న య‌మా స్పీడ్ గా ఉన్నార‌ట‌.

తాజాగా ఆయ‌న త‌న నియోజ‌క‌వ‌ర్గాన్ని సంద‌ర్శించారు. ఈ క్ర‌మంలో నాణ్య‌త లేని రోడ్డును గుర్తించిన ఎమ్మెల్యే.. స‌ద‌రు ప్ర‌జ‌ల‌తో మాట్లాడారు. ఈ సంద‌ర్భంగా స‌ద‌రు అధికారి నిర్ల‌క్ష్య‌మ‌న్న విష‌యం స్ప‌స్టంగా అర్థ‌మైంది. దీంతో.. స‌ద‌రు జూనియ‌ర్ అధికారి పై ఆగ్ర‌హం వ్య‌క్తం చేసిన కొత్త ఎమ్మెల్యే స‌ద‌రు అధికారికి ఎవ‌రూ ఊహించ‌లేని శిక్ష విధించారు. త‌ప్పు చేసిన స‌ద‌రు నేత చేత 100 గుంజీళ్లు తీయించారు. అక్క‌డితో వ‌దిలిపెట్ట‌ని స‌ద‌రు ఎమ్మెల్యే.. గ్రామ‌స్థుల‌కు సైతం సారీ చెప్పుకొచ్చారు. దీనికి సంబంధించిన వీడియో ఒక‌టి ఇప్పుడు వైర‌ల్ గా మారింది. ఇంత‌టి ద‌మ్మును ప్ర‌ద‌ర్శించే తెలుగు రాష్ట్రాల ఎమ్మెల్యేలు ఎవ‌రైనా ఉన్నారా?