పోర్న్ స్టార్ సంపాదన.. చెప్పిన నిజమిదే..

మియా ఖలీఫా.. నీలిచిత్రాల్లో నటించి ఫుల్ పాపులర్ అయిన సెక్సీ స్టార్. 2015 వరకు ఈమె బ్లూఫిల్మ్స్ స్టార్ గా వెలుగొందింది. మన సన్నీ లియోన్ లాగా ఒకప్పుడు ఎంతో పేరు సంపాదించింది. అయితే 2015లో ఆ పాడుపనికి స్వస్తి చెప్పింది. అయితే ఆమె సినిమాల్లోకి రాలేదు. బతుకుదెరువు ఎక్కడా దొరక్కపోవడంతో చివరకు స్పోర్ట్స్ కామెంటేటర్ గా పనిచేస్తోంది. అందులో రాణిస్తోంది. తాజాగా శాండ్ బర్గ్ తో మియా ఖలీఫా పెళ్లికి రెడీ అయ్యింది. నిశ్చితార్థం సందర్భంగా ఆమె తన గత విషయాల గురించి హాట్ కామెంట్స్ చేసింది.

మియా ఖలీఫా నీలిచిత్రాల ద్వారా బాగా సంపాదించారన్న ప్రచారం సాగింది. దీనిపై ఓ ఇంటర్వ్యూలో ఆమెనే డైరెక్ట్ గా అడిగేశారు. దీనికి ఆమె ఆసక్తికర సమాధానం ఇచ్చింది. తన పోర్న్ జీవితం గురించి వివరాలను వెల్లడించింది.

తాను పోర్న్ స్టార్ గా ఉన్నప్పుడు మిలియన్ల కొద్దీ డబ్బు సంపాదించానన్నది కరెక్ట్ కాదని మియా ఖలీఫా స్పష్టం చేసింది. అది పూర్తిగా అవాస్తవమని.. ఎంత మాత్రం నిజం లేదని పేర్కొంది. నీలిచిత్రాల ద్వారా తాను సంపాదించిన మొత్తం కేవలం 8.55 లక్షలు మాత్రమేని తెలిపింది. అంతకుమించి ఒక్క రూపాయి రాలేదని.. అందుకే ఆ ఫీల్డ్ వదిలేశానని చెప్పుకొచ్చింది.

పోర్న్ స్టార్ గా వైదొలి సమాజంలోకి వస్తే తనకు ఎవరూ ఉద్యోగం ఇవ్వలేదని మియా ఖలీఫా ఆవేదన వ్యక్తం చేసింది. ఆ కష్టాలను ఊహించుకుంటూనే భయంకరంగా ఉందని.. ఇప్పుడు స్పోర్ట్ కామెంటేటర్ గా జీవితంలో సెటిల్ అయ్యానని తెలిపింది.