హాట్ ప్రచారం.. ఇలా కూడా చేయొచ్చా?

అసలే ఇది మే.. ఎండలు మండిపోతున్నాయి. ఎండాకాలంలోనే అత్యధిక ఉష్ణోగ్రత నమోదయ్యే నెల ఇదే. అయితే ఎన్నికల వేళ ఏసీలో ఉండే నేతలందరూ ఎండకు ప్రచారానికి వస్తూ ఆపసోపాలు పడుతుంటారు. చెమటలు కక్కుతుంటారు. కానీ పశ్చిమ బెంగాల్ సీఎం మమతా బెనర్జీ మేనల్లుడు అభిషేక్ బెనర్జీ ఎండ వేడికి కొత్తగా ఆలోచించాడు.

తాజాగా అభిషేక్ బెనర్జీ బెంగాల్ లోని డైమండ్ హార్బర్ నియోజకవర్గం నుంచి పోటీచేస్తున్నారు. అయితే ప్రచారానికి తన బదులు తన విగ్రహాన్ని పంపించడం చర్చనీయాంశంగా మారింది. అభిషేక్ మద్దతు దారులు ఆయన విగ్రహంతో కలిసి ఎన్నికల ప్రచారంలో పాల్గొన్న ఫొటోలు వీడియోలు ఇప్పుడు నెట్టింట్లో వైరల్ గా మారాయి. ఈ వీడియో షేర్ చేస్తూ అందరూ సెటైర్ల వర్షం కురిపిస్తున్నారు.

కొందరు నెటిజన్లు ఎండవేడికి ఇలాంటి ఐడియాలు కూడా వస్తాయా అని ఆడిపోసుకుంటున్నారు. ఇంకొందరు జనాలు మాత్రం నాయకుడు బదులు ఈ బొమ్మ మాతో మాట్లాడుతుందా? మ సమస్యలు బొమ్మ తీరుస్తుందా అని నిలదీస్తున్నారు. కొంత మంది బీజేపీ మద్దతు దారులు మాత్రం ఇలాంటి వినూత్నమైన ఐడియా ‘మమతా బెనర్జీ’దేనని సెటైర్ వేస్తున్నారు.