Begin typing your search above and press return to search.
ఆపిల్ సీఈవోకు కొత్త ప్ర‌పోజ‌ల్ పెట్టిన కేటీఆర్
By: Tupaki Desk | 19 May 2016 9:32 AM GMT
టెక్నాల‌జీ దిగ్గజం ఆపిల్ సంస్థ ఆపిల్ మ్యాప్స్ డెవ‌ల‌ప్‌ మెంట్ సెంట‌ర్‌ ను హైదరాబాద్ లో ప్రారంభించింది. నగరంలోని వేవ్‌ రాక్ భవనంలో ఈ కేంద్రాన్ని ఆపిల్ సీఈవో టిమ్ కుక్ ప్రారంభించారు. ఈ కార్యక్రమంలో సీఎం కేసీఆర్ - ఐటీ శాఖ మంత్రి కేటీఆర్ పాల్గొన్నారు. ఈ సందర్భంగా టిమ్ కుక్ మాట్లాడుతూ.. ఐ లవ్ ఇండియా అని సంబోధించి భారత పర్యటన చాలా ఆనందంగా ఉందన్నారు. హైదరాబాద్ లో కొత్త కార్యాలయం ప్రారంభిస్తున్నందుకు చాలా ఉద్వేగంగా ఉందన్నారు. ఇక్కడి యువత - నైపుణ్య సామర్థ్యాలు ఆపిల్ కు ఉపయోగపడుతాయన్నారు.
ప్రపంచ ప్రఖ్యాతిగాంచిన ఆపిల్ మ్యాప్స్ కేంద్రం హైదరాబాద్ లో ఏర్పాటు చేయ‌డం తమకు గర్వకారణమని ముఖ్యమంత్రి కేసీఆర్ అన్నారు. ఆపిల్ మ్యాప్ కేంద్రం ద్వారా వేలాది ఉద్యోగాలు లభిస్తాయని సీఎం పేర్కొన్నారు. టిమ్ కుక్ - సీఎంతో కలిసి కేటీఆర్ సెల్ఫీ దిగారు. అనంత‌రం మంత్రి కేటీఆర్ మాట్లాడుతూ...ఆపిల్ ద్వారా 5 వేల మందికి ఉపాధి అవకాశాలు లభిస్తాయని మంత్రి అన్నారు. వచ్చే ఏడాది నాటికి ఆపిల్ సొంత క్యాంపస్‌ కు స్థలం కేటాయిస్తామని ఈ సందర్భంగా ఆఫ‌ర్ ఇచ్చారు. డిజిటల్ తెలంగాణ ప్రాజెక్టులో భాగంగా ఆపిల్ తో ఒప్పందం కుదుర్చుకుంటామని కేటీఆర్ ప్ర‌క‌టించారు. త‌మ ఆవిష్క‌ర‌ణల కేంద్రం టీ-హబ్‌ తో కలిసి పని చేయడానికి ఆపిల్ ఆస‌క్తి చూపించాలని కేటీఆర్ కోరారు.
టీఎస్ ఐపాస్ - ఐటీ విధాన ప్రతులను టిమ్ కుక్ కు మంత్రి కేటీఆర్ అందించారు. ఆపిల్ సంస్థ అమెరికా వెలుపల నెల‌కొల్పే కేంద్రానికి హైదరాబాద్ ను వేదిక‌గా చేసుకుంది. ఆపిల్ ఐఫోన్ - ఐప్యాడ్ - మ్యాక్ కంప్యూటర్లు - ఆపిల్ వాచ్‌ ల మ్యాప్ ల అభివృద్ధికి హైదరాబాద్ కేంద్రం కానుంది. నాలుగు వేల మందికి ఆపిల్ హైదరాబాద్ సంస్థలో ఉపాధి అవకాశాలు లభించనున్నాయి.
ప్రపంచ ప్రఖ్యాతిగాంచిన ఆపిల్ మ్యాప్స్ కేంద్రం హైదరాబాద్ లో ఏర్పాటు చేయ‌డం తమకు గర్వకారణమని ముఖ్యమంత్రి కేసీఆర్ అన్నారు. ఆపిల్ మ్యాప్ కేంద్రం ద్వారా వేలాది ఉద్యోగాలు లభిస్తాయని సీఎం పేర్కొన్నారు. టిమ్ కుక్ - సీఎంతో కలిసి కేటీఆర్ సెల్ఫీ దిగారు. అనంత‌రం మంత్రి కేటీఆర్ మాట్లాడుతూ...ఆపిల్ ద్వారా 5 వేల మందికి ఉపాధి అవకాశాలు లభిస్తాయని మంత్రి అన్నారు. వచ్చే ఏడాది నాటికి ఆపిల్ సొంత క్యాంపస్‌ కు స్థలం కేటాయిస్తామని ఈ సందర్భంగా ఆఫ‌ర్ ఇచ్చారు. డిజిటల్ తెలంగాణ ప్రాజెక్టులో భాగంగా ఆపిల్ తో ఒప్పందం కుదుర్చుకుంటామని కేటీఆర్ ప్ర‌క‌టించారు. త‌మ ఆవిష్క‌ర‌ణల కేంద్రం టీ-హబ్‌ తో కలిసి పని చేయడానికి ఆపిల్ ఆస‌క్తి చూపించాలని కేటీఆర్ కోరారు.
టీఎస్ ఐపాస్ - ఐటీ విధాన ప్రతులను టిమ్ కుక్ కు మంత్రి కేటీఆర్ అందించారు. ఆపిల్ సంస్థ అమెరికా వెలుపల నెల‌కొల్పే కేంద్రానికి హైదరాబాద్ ను వేదిక‌గా చేసుకుంది. ఆపిల్ ఐఫోన్ - ఐప్యాడ్ - మ్యాక్ కంప్యూటర్లు - ఆపిల్ వాచ్‌ ల మ్యాప్ ల అభివృద్ధికి హైదరాబాద్ కేంద్రం కానుంది. నాలుగు వేల మందికి ఆపిల్ హైదరాబాద్ సంస్థలో ఉపాధి అవకాశాలు లభించనున్నాయి.
